എങ്ങനെ തോറ്റൂ.!ബാബറിനും റിസ്വാനുമെതിരെ അന്വേഷണം; പ്രത്യേക കമ്മിറ്റിയെ നിയോഗിച്ച് പിസിബി

സെമിയില്‍ ഫൈനല്‍ പ്രതീഷ ഏറെക്കുറ അവസാനിച്ച പാകിസ്താന്‍ ടീം ലോകകപ്പില്‍ മാനം രക്ഷിക്കാനുള്ള തത്രപ്പാടിലാണ്. ഇതിനിടെ ബോര്‍ഡില്‍ പൊട്ടിത്തെറിയും വിവാദങ്ങളും ഒഴിഞ്ഞിട്ട് നേരവുമില്ല. പുതിയൊരു കാര്യമാണ് ഇപ്പോള്‍ പുറത്തുവരുന്നത്. ടീം സെലക്ഷനിലും പുറത്തായ വാട്‌സ് ആപ്പ് ചാറ്റിലും പാകിസ്താന്‍ ടീമും ക്യാപ്റ്റന്‍ ബാബറും അടക്കമുള്ളവര്‍ മുള്‍മുനയില്‍ നില്‍ക്കെ സെലക്ഷന്‍ കമ്മിറ്റി ചെയര്‍മാന്‍ ഇന്‍സമാം ഉള്‍ ഹഖ് കഴിഞ്ഞ ദിവസം രാജിവച്ചിരുന്നു.

ഇതിനു പിന്നാലെ പി.സി.ബി അന്വേഷണം പ്രഖ്യാപിച്ചു. അഞ്ചുപേരടങ്ങുന്ന കമ്മിറ്റിയാണ് സത്യം കണ്ടെത്താന്‍ അന്വേഷണം നടത്തുന്നത്. ടീമിന്റെ സെലക്ഷനിലും മറ്റും ഉയര്‍ന്ന ആരോപണങ്ങളും തോല്‍വിയും മറ്റ് വിവാദങ്ങളുമാണ് അവര്‍ അന്വേഷിക്കുന്നത്. റിപ്പോര്‍ട്ട് പിസിബി മാനേജ്‌മെന്റിന് സമര്‍പ്പിക്കും.

റിസ്വാനും ബാബറിനും എതിരെയാണ് അന്വേഷണമെന്നാണ് പല കോണുകളില്‍ നിന്നും ഉയരുന്ന വാദങ്ങള്‍. ഇവരുടെ താത്പ്പര്യങ്ങള്‍ ടീം സെലക്ഷനില്‍ നിഴലിച്ചുവെന്നാണ് ആരോപണം. ഇന്ത്യയിലെ ലോകകപ്പിലുണ്ടായ വമ്പന്‍ തോല്‍വികള്‍ പാകിസ്താന്‍ ടീമിനെയും ബോര്‍ഡിനെയും നാണക്കേടിന്റെ പടുകുഴിയിലാണ് തള്ളിയിട്ടത്. എങ്ങനെയും മുഖം രക്ഷിക്കാനുള്ള ശ്രമത്തിന്റെ ഭാഗമാണ് പുതിയ അന്വേഷണവും

Pakistan Cricket Board (PCB) has set up a five-member fact-finding committee to investigate allegations in respect of conflict of interest reported in the media pertaining to the team selection process.

The committee will submit its report and any recommendations to the PCB…

— PCB Media (@TheRealPCBMedia) October 30, 2023

“>