ന്യഡൽഹി: വളർത്തുനായയെ കൊണ്ട് യുവതിയെ കടിപ്പിച്ച് അയൽവാസി.വീടിന് മുന്നിൽ നായ മലമൂത്രവിസർജനം ചെയ്യുന്നതായി പരാതിപ്പെട്ടതിനാണ് യുവതിയെ പിറ്റ്ബുൾ ഇനത്തിൽപ്പെട്ടെ നായയെ കൊണ്ട് അയൽവാസി കടിപ്പിച്ചത്. ഡൽഹി സ്വരൂപ് നഗറിൽ താമസിക്കുന്ന റിയാദേവിക്കാണ് ദുരനുഭവമുണ്ടായത്.
വളർത്തുനായയെ വീടിന് മുന്നിൽ എത്തിച്ച് സ്ഥിരമായി മലമൂത്രവിസർജനം ചെയ്യിക്കുകയായിരുന്നു. പലതവണ ഇയാളോട് പറഞ്ഞെങ്കിലും മുഖവിലയ്ക്കെടുത്തില്ലെന്ന് യുവതി ആരോപിക്കുന്നു. ഇതിന് പിന്നാലെ നായയെ കൊണ്ട് കടിപ്പിക്കുകയായിരുന്നു. കഴിഞ്ഞ ദിവസം വീടിനകത്തെ സിസിടിവിയിൽ ദൃശ്യങ്ങൾ കണ്ട യുവതി പുറത്തിറങ്ങി അയൽവാസിയുമായി വാക്കേറ്റമുണ്ടായി. തുടർന്ന് ഇയാൾ നായയെ കൊണ്ട് റിയാദേവിയെ കടിപ്പിച്ചു.
തുടർന്ന് അയൽവാസികളെത്തിയാണ് യുവതിയെ രക്ഷിച്ചത്. ഇതുവരെ അഞ്ച് തവണ ഇയാളുടെ നായ കൈയിലും കാലിലും കടിപ്പിച്ചിട്ടുണ്ടെന്ന് യുവതി വ്യക്തമാക്കി. നായയെ പേടിച്ച് താൻ അധികം പുറത്തിറങ്ങാറില്ലെന്നും നായയെ സ്ഥിരമായി അഴിച്ചുവിടുകയാണെന്നും യുവതി ആരോപിച്ചു. നാട്ടുകാർക്കെല്ലാം നായ ശല്യമാണെന്നും ആരോപണം ഉയരുന്നുണ്ട്. സിസിടിവി ദൃശ്യങ്ങളുടെ അടിസ്ഥാനത്തിൽ ഇയാൾക്കെതിരെ കേസെടുത്തതായി പോലീസ് അറിയിച്ചു.
