വന്ദേ ഭാരത് ട്രെയിനുകൾക്ക് വൻ സ്വീകാര്യതയാണ് കേരളത്തിൽ ലഭിക്കുന്നത്. ട്രാക്കിലോടി തുടങ്ങിയ അന്ന് മുതൽ അനുഭവപ്പെടുന്ന തിരക്ക് അതിന് ഉദാഹരണമാണ്. മലയാളിക്ക് വിഷു സമ്മാനമായാണ് ആദ്യത്തെ വന്ദേ ഭാരത് എത്തിയത്. സൂപ്പർ ഹിറ്റായതോടെ രണ്ടാം വന്ദേ ഭാരതും കേരളത്തിന് ലഭിച്ചു.
കേരളത്തിന്റെ അഭിമാനമായ രണ്ട് വന്ദേ ഭാരത് ട്രെയിനുകളുടെ ചിത്രങ്ങൾ പങ്കുവെച്ചിരിക്കുകയാണ് ഇന്ത്യൻ റെയിൽവേ. ‘അത്ര മനോഹരം, വളരെ ഗംഭീരം’ എന്ന അടിക്കുറിപ്പോടെയാണ് ചിത്രം പങ്കുവെച്ചിരിക്കുന്നത്. So beautiful, so elegant, just looking like a wow! എന്നാണ് റെയിൽവേ കുറിച്ചിരിക്കുന്നത്. ഇരു ട്രെയിനുകളും കോഴിക്കോട് ജില്ലയിലെ വെള്ളയിൽ റെയിൽവേ സ്റ്റേഷൻ പിന്നിടുന്നതിന്റെ ചിത്രമാണ് റെയിൽവേ എക്സിൽ പങ്കിട്ടത്. നിരവധി പേരാണ് ചിത്രത്തിന് കമന്റ് ചെയ്തിരിക്കുന്നത്.
Blue and Tangerine #VandeBharatExpress
So beautiful, so elegant, just looking like a wow!
Location: Vellayil Station in Thiruvananthapuram- Kasaragod section of Kerala pic.twitter.com/qpcohOyLFw
— Ministry of Railways (@RailMinIndia) November 4, 2023
ഇന്ത്യയിലെ ആദ്യത്തെ സെമി-ഹൈ സ്പീഡ് ഇലക്ട്രിക് ട്രെയിനാണ് വന്ദേ ഭാരത് എക്സ്പ്രസ്. മെയ്ക്ക് ഇൻ ഇന്ത്യ പദ്ധതിയെ പ്രോത്സാഹിപ്പിക്കുന്നതിലും ഭാരതത്തിന്റെ സാങ്കേതിക മികവുകൾ പ്രദർശിപ്പിക്കുന്നതിലും എടുത്തുകാണിക്കുന്നതിനാണ് ട്രെയിനിന് വന്ദേ ഭാരത് എന്ന് പേരിട്ടിരിക്കുന്നത്. 16 എയർ കണ്ടീഷൻ കോച്ചുകളാണ് ട്രെയിനിലുള്ളത്. എല്ലാ കോച്ചുകളിലും ഓട്ടോമാറ്റിക് ഡോറുകൾ ആണ് ഉള്ളത്. അത്യാധുനിക സൗകര്യങ്ങളാണ് ട്രെയിനിൽ സജ്ജീകരിച്ചിട്ടുള്ളത്.