ലോകക്രിക്കറ്റ് സാക്ഷ്യം വഹിച്ച ഏറ്റവും മികച്ച ഇന്നിംഗ്സുകളിലൊന്ന്, കപില് ദേവിന് ശേഷം ആരാധകര് ഇതിനൊപ്പം ചേര്ത്തു നിര്ത്തുന്ന ഏക്കാലത്തെയും വലിയ തിരിച്ചുവരവ്…. അതായിരുന്നു അഫ്ഗാനിസ്ഥാനെതിരെ ഒറ്റക്കാലില് നിന്ന് പോരാട്ടം നയിച്ച മാക്സ് വെല്ല് നേടിയ അസാധ്യ ഡബിള് സെഞ്ച്വറി. തന്റെ വേദനയെപ്പറ്റി ഭാര്യ വിനി രാമനോട് പറഞ്ഞ കാര്യം ഓസ്ട്രേലിയന് ഓള്റൗണ്ടര് വെളിപ്പെടുത്തി. ഞാന് എന്റെ ജീവിതത്തില് അനുഭവിച്ച ഏറ്റവും വലിയ രണ്ടാമത്തെ വേദനയായിരുന്നു ഗ്രൗണ്ടില് അനുഭവിച്ചതെന്നാണ് അദ്ദേഹം പറഞ്ഞത്.
ഓസ്ട്രേലിയ തോല്വി മുന്നില്കണ്ട് സെമി പ്രതീക്ഷകളും അസ്ഥാനത്തായ സമയത്തായിരുന്നു മാക്സ് വെല് ക്രീസിലെത്തുന്നത്. അപ്പോള് 49-4 എന്ന നിലയിലായിരുന്നു ഓസീസ്. പിന്നാലെ 91-7 നിലയിലേക്ക് വീണതോടെ ഏവരും ഓസ്ട്രേലിയയുടെ തോല്വി പ്രവചിച്ചു. എന്നാല് അവിടം മുതല് തോല്ക്കാന് മനസില്ലാത്ത മാക്സ് വെല് പോരാട്ടത്തിന് തുടക്കമിട്ടു, പിന്നീട് അയാള് ബാറ്റേന്തിയത് ചരിത്രത്തിലേക്കായിരുന്നു.
‘ ആ സമയം ഞാന് ശ്വസിക്കുന്നത് വളരെ വേഗത്തിലായിരുന്ന. ഞാന് എന്റെ ഭാര്യയോട് പറഞ്ഞു, ജീവിതത്തില് അനുഭവിച്ചതില് ഏറ്റവും വലിയ രണ്ടാമത്തെ വേദനയായിരുന്നു അത്. (കഴിഞ്ഞ വര്ഷം കാലൊടിഞ്ഞത് ആദ്യത്തേത്) എന്റെ ശരീരം മുഴുവന് വിറയ്ക്കുകയായിരുന്നു. എനിക്ക് തോന്നിയത് എനിക്ക് ശ്വാസം കിട്ടുന്നില്ലെന്നാണ്. ഫിസിയോ വന്ന് എന്റെ ശ്വാസോച്ഛാസം നിയന്ത്രിക്കാന് ശ്രമിച്ചു’.
‘എനിക്ക് ചെറിയ പേടി തോന്നി, കാരണം എന്താണ് ചെയ്യേണ്ടതെന്ന് എനിക്ക് അറിയില്ലായിരുന്നു. വലിയൊരു വേദനയിലായിരുന്നു, എങ്ങനെ അത് നിര്ത്തണമെന്ന് എനിക്കറിയില്ലായിരുന്നു’.- മാക്സ് വെല് പറഞ്ഞു.
‘ഓരോ സമയവും വിവിധ ശരീരഭാഗങ്ങളില് നിന്ന് വേദനയുണ്ടായി. വലതുകാലിലെ നടുവിരല് കോച്ചിപിടിത്തത്തോടെ വേദന അനുഭവപ്പെട്ടതോടെ എന്റെ ജീവന് നഷ്ടമായതുപോലെ തോന്നി. അടുത്ത ഓവറുകള് എങ്ങനെ നേരിട്ടെന്ന് എനിക്ക് ഇപ്പോഴും അറിയില്ല. പിന്നാലെ എനിക്ക് മനസിലായി പേശിവലിവ് കൂടുമെന്ന്. 40-50 പന്തുവരെ നേരിടുന്നതാണ് എന്റെ സാധാരണ പരിധി’.
‘ഫിസിയോ എന്നോട് പറഞ്ഞു നിങ്ങള് ഇപ്പോള് ഗ്രൗണ്ടില് നിന്ന് മടങ്ങിയാല് തിരികെ വരുന്ന കാര്യം ഉറപ്പില്ലെന്ന്. അല്പ്പ സമയം കൂടി പിടിച്ച് നില്ക്കാന് അദ്ദേഹം പറഞ്ഞു. ഓടരുതെന്നും അവസാനം ഒരു സൈഡില് പിടിച്ചു നില്ക്കാനും പറഞ്ഞു, നിങ്ങള്ക്ക് അതിന് എങ്ങനെ സാധിക്കുമെന്ന് നോക്കാമെന്നും പറഞ്ഞു. അതോടെ നമ്മള് ഓട്ടം നിര്ത്തി. വിലയേറിയ ഉപദേശമായിരുന്നു അത’്.-മാക്സ് വെല് പറഞ്ഞു.
