ശരീരഭാരം കുറയ്‌ക്കാനായി കഴിയുന്നത്ര പരിശ്രമിക്കുന്നവരാണ് നമ്മളിൽ പലരും. എന്നാൽ ഇതൊന്നും കാര്യമാക്കാതെ ദിവസം മുഴുവൻ ഉറങ്ങി തീർക്കുന്നവരും ചെറുതല്ല. സത്യത്തിൽ ഇങ്ങനെ കിടന്നുറങ്ങുന്ന ‘കുഴിമടിയന്മാരെ’ നിങ്ങൾ അറിയാതെ നിങ്ങളുടെ ശരീരഭാരം കുറയുകയാണ്. ഉറക്കത്തിലൂടെ ശരീരഭാരം കുറയ്‌ക്കാൻ കഴിയുമെന്നാണ് പഠനം വെളിപ്പെടുത്തുന്നത്.
യൂറോപ്യൻ ഹാർട്ട് ജേണലിൽ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്. ആയാസരഹിതമായ പ്രവർത്തനങ്ങൾ കൊണ്ടും ശരീരഭാരം കുറയ്‌ക്കാമെന്നാണ് പറയുന്നത്. ശരീരത്തിലെ കൊഴുപ്പിനെ ഇല്ലാതാക്കാൻ ഓട്ടവും ചാട്ടവും മറ്റ് കഠിന വ്യായമങ്ങളും നടത്തിയാൽ മതിയെന്ന ധാരണ ശരിയല്ലെന്ന് വ്യക്തമാക്കുന്ന റിപ്പോർട്ടാണ് പുറത്തുവന്നത്.
അരമണിക്കൂർ ഇരിക്കുന്നതിന് പകരം അത്രസമയം ഉറങ്ങുന്നതിലൂടെ ശരീരഭാരവും അരവണ്ണവും ഗണ്യമായി കുറയ്‌ക്കാൻ കഴിയും. വെറുതെ നിൽക്കുന്നതും പതുക്കെ നടക്കുന്നതും ഇതേ ഗുണങ്ങൾ നൽകും. എന്നാൽ മറ്റ് വ്യായമങ്ങളെ ഒഴിവാക്കി ഉറക്കം മാത്രം ശീലമാക്കുന്നത് വിപരീത ഫലം നൽകുമെന്ന കാര്യം പ്രത്യേകം ശ്രദ്ധിക്കേണ്ടതാണ്.
ഉറങ്ങുമ്പോൾ അധിക കൊഴുപ്പ് നഷ്ടമാകുമെന്നാണ് പറയുന്നത്. രാത്രി വൈകി ഉണർന്നിരിക്കുന്നത് ശരീരത്തിൽ കൊഴുപ്പ് അടിയുന്നതിന് കാരണമാകും. നമ്മൾ ജോലി ചെയ്യാത്ത സമയവും ശരീരത്തിൽ ഊർജ്ജ ഉപഭോഗം നടക്കുന്നു. ഉറങ്ങുന്ന ഒരു വ്യക്തി മണിക്കൂറിൽ 65 കലോറിയാണ് കത്തിച്ചുകളയുന്നത്. എട്ട് മണിക്കൂർ ഉറങ്ങുമ്പോൾ 500 കലോറി കൊഴുപ്പാണ് ശരീരത്തിൽ നിന്ന് ഒഴിവാകുന്നത്. എന്നാൽ ഉറങ്ങാതിരിക്കുന്നത് വഴി ഇതേ അളവിൽ എറിച്ചിലാണ് അനുഭവപ്പെടുക. ഇത് പിന്നാലെ ക്ഷീണം അനുഭവപ്പെടുന്നതിനും ഊർജ്ജം കുറയാനും കാരണമാകുന്നു. അതുകൊണ്ട് നന്നായി വിശ്രമിച്ചാൽ കൊഴുപ്പ് കുറയ്‌ക്കാം.
നന്നായി ഉറങ്ങുന്നതിന് ഈ ഭക്ഷണങ്ങൾ കഴിക്കാം..
1) ഉറക്കത്തിന് സഹായിക്കുന്ന ഹോർമോണായ ട്രിപ്‌റ്റോഫാൻ അടങ്ങിയ ഭക്ഷണം കഴിക്കുക. പരിപ്പ്, മത്സ്യം, ചിക്കൻ, മുട്ട, പയർ, അവോക്കാഡോ തുടങ്ങിയവ ഇതിൽ ഉൾപ്പെടുന്നു.
2) ചായ കുടിക്കുന്നത് ശരീരത്തിന് വിശ്രമം നൽകുന്നു. ലാവെൻഡർ, പുതിന, തുളസി, ജമന്തിപ്പൂ തുടങ്ങിയ ചായകൾ കൊഴുപ്പിനെ പുറന്തള്ളാൻ സഹായിക്കുന്നു.
3) ലയിക്കാത്ത നാരുകൾ അടങ്ങിയ തവിട്, അരി മറ്റ് ധാന്യങ്ങളിലും ഉറക്കത്തിന് ആവശ്യമായ പോഷകങ്ങൾ അടങ്ങിയിട്ടുണ്ട്. രാത്രിയലെ നല്ല ഉറക്കിത്തിനായി ഉച്ചഭക്ഷണ സമയത്ത് ഇവ കഴിക്കുക.
സാധാരണ ഉറക്കത്തിന് പുറമേ ഏതാനും മണിക്കൂറുകൾ കൂടി ഉറങ്ങിയാൽ ശരീരഭാരം കുറയ്‌ക്കാൻ സഹായിക്കും.
