299 രൂപയ്ക്ക് എത്ര തവണ വേണമെങ്കിലും പിസ്സ കഴിക്കാമെന്ന ഓഫറുമായി പിസ്സ ഹട്ട്. ഈ ഓഫറുകൾ വെള്ളിയാഴ്ചകളിൽ മാത്രമാകും ലഭിക്കുക. പിസ്സ ഹട്ടിന്റെ തിരഞ്ഞെടുത്ത ഷോപ്പുകളിൽ മാത്രമാകും ഈ ഓഫർ ഉണ്ടായിരിക്കുക.
നിരവധി മാനദണ്ഡങ്ങളോടെയാണ് ഓഫറുകൾ പ്രഖ്യാപിച്ചിരിക്കുന്നത്. വീട്ടിൽ നിന്നും ഓർഡർ ചെയ്യുമ്പോഴോ, ടേക്ക് എവേയിലോ ഈ ഓഫർ ലഭ്യമാകില്ല. പിസ്സ ഹട്ടിന്റെ സ്റ്റോറിൽ ഇരുന്ന് മാത്രം കഴിക്കുന്നവർക്കാകും ഓഫർ ലഭിക്കുക. കൂടാതെ ഒരു കുടുംബത്തിലെ എല്ലാ അംഗങ്ങൾക്കും 299 രൂപയുടെ പിസ്സ ഓഫറിൽ കഴിക്കാൻ സാധിക്കില്ല. ഓരോ വ്യക്തിയും 299 രൂപയുടെ ഓഫർ എടുക്കേണ്ടതായി വരും.
299 രൂപയുടെ ഓഫറിൽ മറ്റുള്ള കുടുംബാംഗങ്ങളുമായോ സുഹൃത്തുക്കളുമായോ പിസ്സ പങ്കിട്ട് കഴിക്കാൻ പാടില്ലെന്നുള്ള നിബന്ധനയുമുണ്ട്. ചുരുക്കത്തിൽ 299 രൂപയ്ക്ക് ഒരാൾക്ക് മറ്റാരുമായും പങ്കുവെയ്ക്കാതെ എത്ര പിസ്സ വേണമെങ്കിലും കഴിക്കാം. ഇതിന് പുറമെ ബുധനാഴ്ചകളിൽ 50 ശതമാനം വിലക്കുറവിലും പിസ്സ കഴിക്കാമെന്ന ഓഫറുകളും നൽകുന്നുണ്ട്.
