വീട്ടിലേയ്‌ക്ക് വെള്ളം ഇരച്ച് കയറുന്നു; സഹായത്തിനായി ഞാൻ പലരേയും വിളിച്ചിരുന്നു; ടെറസിൽ നിന്നെടുത്ത ചിത്രങ്ങൾ പങ്കുവച്ച് നടൻ വിഷ്ണു വിശാൽ

മിഷോങ് ചുഴലിക്കാറ്റിനെ തുടർന്ന് ചെന്നൈ നഗരം പ്രളയക്കയത്തിലാണ്. സാധരണക്കാരായ ജനങ്ങൾ അനുഭവിക്കുന്ന ദുരിതങ്ങൾ പറഞ്ഞറിയിക്കാൻ കഴിയുന്നതിനുമപ്പുറമാണ് ഇപ്പോഴിതാ തന്റെ വീട്ടിലേയ്‌ക്ക് വെള്ളം കയറിയെന്ന വാർത്ത പങ്കുവക്കുകയാണ് നടൻ വിഷ്ണു വിശാൽ. സമൂഹമാദ്ധ്യമമായ എക്‌സിലൂടെയാണ് താരം ഇക്കാര്യം അറിയിച്ചത്. ഒപ്പം താൻ ഉൾപ്പെടെയുള്ളവർ നേരിടുന്ന അവസ്ഥ എന്താണെന്നും ചിത്രങ്ങളിലൂടെ താരം പങ്കുവയ്‌ക്കുന്നു.

കാരപ്പാക്കത്ത് ജലനിരപ്പ് ക്രമാതീതമായി ഉയരുന്നു. എന്റെ വീട്ടിലേ്ക്കും മലിന ജലം ഇരച്ച് കയറുന്നുണ്ട്. ഇവിടെ വൈദ്യുതിയില്ല, വൈഫൈ കിട്ടുന്നില്ല. ഫോണിന് സിഗ്നൽ ലഭിക്കാത്തതിനാൽ ടെറസിൽ നിന്നാണ് ഞാൻ ഈ ചിത്രങ്ങൾ പങ്കുവെക്കുന്നത്. ഞാൻ പലരേയും സഹായത്തിനായി വിളിച്ചിരുന്നു എന്നാൽ അതൊന്നും കിട്ടിയില്ല. ചെന്നൈയിലെ ജനങ്ങളുടെ കൂട്ടത്തിൽ എനിക്കും സഹായം ആവശ്യമാണ് എന്നാണ് താരം എക്‌സിലൂടെ പങ്കുവെച്ച കുറിപ്പ്.

Water is entering my house and the level is rising badly in karapakkam
I have called for help
No electricity no wifi
No phone signal
Nothing
Only on terrace at a particular point i get some signal
Lets hope i and so many here get some help❤️
I can feel for people all over chennai… pic.twitter.com/pSHcK2pFNf

— VISHNU VISHAL – VV (@TheVishnuVishal) December 5, 2023

നേരത്തെ അന്നനഗറിൽ താമസിക്കുന്ന നടൻ വിശാലിന്റെ വീട്ടിൽ വെള്ളം കയറിയെന്ന വാർത്ത താരം പങ്കുവെച്ചിരുന്നു. വീട്ടിൽ ഒരടിയോളം വെള്ളം കയറി എന്ന വാർത്തയായിരുന്നു താരം പങ്കുവെച്ചത്. ഒപ്പം ചെന്നൈ കോർപറേഷനിൽ ഉദ്യോഗസ്ഥർ ജനങ്ങൾക്ക് ആവശ്യമായ സഹായങ്ങൾ നൽകുന്നില്ലെന്നും താരം വ്യക്തമാക്കിയിരുന്നു.