തൊണ്ടയിൽ കിച്ച് കിച്ച്? എങ്കിൽ വീട്ടിൽ തന്നെ എളുപ്പത്തിൽ പരീക്ഷിക്കാവുന്ന പ്രതിവിധികൾ ഇതാ..

കഫക്കെട്ടും തൊണ്ടവേദനയും പലപ്പോഴും നമ്മെ അസ്വസ്ഥമാക്കുന്ന രോഗങ്ങളാണ്. മഞ്ഞുകാലമെത്തിയാൽ തൊണ്ടവേദന വളരെ പെട്ടന്നു തന്നെ കുഞ്ഞുങ്ങളിലും മുതിർന്നവരിലും പിടിപ്പെടുന്നു. താണ്ടവേദനയും കഫക്കെട്ടും മൂലം ബുദ്ധിമുട്ടുന്നവരാണെങ്കിൽ വീട്ടിൽ തന്നെ പരീക്ഷിച്ചു നോക്കാവുന്ന ചില പ്രതിവിധികൾ ഇതാ..

ഇഞ്ചി

തൊണ്ടവേദന ശമിപ്പിക്കാനും കഫക്കെട്ട് നീക്കം ചെയ്യുന്നതിനും സഹായകരമാണ് ഇഞ്ചി. ഇത് അൽപം തേൻ പുരട്ടി കഴിക്കുന്നത് കഫക്കെട്ട് മൂലമുണ്ടാകുന്ന അസ്വസ്ഥതകൾ നീക്കം ചെയ്യാൻ സഹായിക്കുന്നു. ഇഞ്ചിയിൽ ധാരാളം ആന്റി ഓക്‌സിഡന്റുകളും, ആന്റി ഇൻഫ്‌ളമേറ്ററി ഘടകങ്ങളും അടങ്ങിയിട്ടുള്ളതിനാൽ ഇത് തൊണ്ടവേദന ശമിപ്പിച്ച് ശ്വസനം കൃത്യമാക്കുന്നു.

യൂക്കാലിപ്റ്റസ് എണ്ണ

തൊണ്ടവേദനയുള്ള സമയങ്ങളിൽ ഈ എണ്ണ നെഞ്ചിലോ മൂക്കിലോ കഴുത്തിലോ പുരട്ടുന്നത് തൊണ്ടവേദനയും ചുമയും കുറയ്‌ക്കാൻ സഹായിക്കുന്നു. ഈ എണ്ണയിൽ യൂക്കാലിപ്‌റ്റോൾ അടങ്ങിയിട്ടുള്ളതിനാൽ ശ്വാസതടസം കുറയ്‌ക്കുന്നു.

‘ഔഷധങ്ങളുടെ രാജ്ഞി’ എന്നാണ് തുളസി അറിയപ്പെടുന്നത്. പണ്ടുകാലത്ത് വീടിന്റെ മുറ്റത്ത് ഒരു തുളസിചെടിയെങ്കിലും നിർബന്ധമായും വളർത്തിയിരുന്നു. പനിയോ, ചുമയോ ഉണ്ടാകുമ്പോൾ പഴമക്കാർ തുളസിയില കൊണ്ടുള്ള വൈദ്യങ്ങൾക്കാണ് പ്രാധാന്യം നൽകിയിരുന്നത്. തുളസിയിൽ ആന്റി മൈക്രോബിയൽ ഗുണങ്ങൾ ഉള്ളതിനാൽ ഇത് രോഗപ്രതിരോധ ശേഷി വർദ്ധിപ്പിക്കുന്നതിനും തൊണ്ടയിലെ അണുബാധ കുറയ്‌ക്കുന്നതിനും സഹായിക്കുന്നു. വെള്ളത്തിലോ ചായയിലോ തുളസിയിലയിട്ട് തിളപ്പിച്ച് കുടിക്കുന്നതും ഇതിന്റെ നീരെടുത്ത് ഇഞ്ചി, തേൻ എന്നിവയ്‌ക്കൊപ്പം കഴിക്കുന്നതും കഫക്കെട്ടും തൊണ്ടവേദനയും കുറയ്‌ക്കാൻ സഹായകരമാണ്.

കൽക്കണ്ടം, കുരുമുളക്

കുരുമുളകും കൽക്കണ്ടവും ഇടിച്ചതിൽ അൽപം ചുക്കും ചേർത്ത് ദിവസവും വെറും വയറ്റിൽ കഴിക്കുന്നതും തൊണ്ടവേദന ശമിപ്പിച്ച് ആശ്വാസം നൽകുന്നു.

Note: മറ്റു പല രോഗങ്ങളുടെ സൂചനയായും തൊണ്ടവേദനയും പനിയും കഫക്കെട്ടും പലരിലും കാണപ്പെടാറുണ്ട്. രോഗം അമിതമാണെന്നു തോന്നിയാൽ വൈദ്യ സഹായം തേടുക.