ശ്വാസകോശാരോഗ്യം വർദ്ധിപ്പിക്കാം; വീട്ടിൽ ഇവ പരീക്ഷിക്കൂ..

ശൈത്യകാലവും വായുമലിനീകരണവുമെല്ലാം ഏറ്റവും അധികം ബാധിക്കുന്ന ഒരു മനുഷ്യാവയവമാണ് ശ്വാസകോശം. വളരെ പെട്ടെന്ന് തന്നെ ശ്വാസതടസ്സം പോലുള്ള പ്രശ്‌നങ്ങൾ ഇതു വഴി സംഭവിക്കാം.

വിറ്റാമിൻ സി, വിറ്റാമിൻ ഇ, ഒമേഗ -3 ഫാറ്റി ആസിഡുകൾ, ആന്റിഓക്സിഡന്റുകൾ എന്നിവ പ്രതിരോധശേഷി വർദ്ധിപ്പിക്കുന്നതിനും വായു മലിനീകരണം മൂലമുണ്ടാകുന്ന ഓക്സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കുന്നതിനും പ്രധാന പങ്ക് വഹിക്കുന്നു. അതിനാൽ തന്നെ ആരോഗ്യകരമായ ഭക്ഷണക്രമം ശ്വാസകോശാരോഗ്യം വർദ്ധിക്കാൻ സഹായിക്കും. ശ്വാസകോശത്തിന്റെ ആരോഗ്യം വർദ്ധിപ്പിക്കുവാനുള്ള വഴികൾ നമ്മുടെയെല്ലാം വീടുകളിൽ തന്നെയുണ്ട്. അവയിൽ ചിലത് ഇതാ..

1. ബെറീസ്

സ്‌ട്രോബെറി, ബ്ലൂബെറി തുടങ്ങിയവയിൽ ഉയർന്ന ആന്റിഓക്സിഡന്റുകൾ അടങ്ങിയിട്ടുണ്ട്. ശ്വാസകോശ സംബന്ധമായ പ്രശ്‌നങ്ങൾ കുറയ്‌ക്കുന്നതിനും ഓക്‌സിഡേറ്റീവ് സമ്മർദ്ദം കുറയ്‌ക്കുന്നതിനും ഇത് സഹായിക്കും.

2. ഇലക്കറികൾ

വൈറ്റമിൻ സി, ഇ തുടങ്ങിയ ആന്റിഓക്സിഡന്റുകളാലും വിറ്റാമിനുകളാലും സമ്പന്നമാണ് ഇലക്കറികൾ. വായുമലിനീകരണം മൂലമുണ്ടാകുന്ന ഓക്സിഡേറ്റീവ് നാശത്തിൽ നിന്ന് ശ്വാസകോശത്തെ സംരക്ഷിക്കാൻ സഹായിക്കും.

3. ആപ്പിൾ

ആപ്പിളിൽ ഫ്‌ലേവനോയ്ഡുകളും ആന്റിഓക്സിഡന്റുകളും അടങ്ങിയിട്ടുണ്ട്, ഇത് ശ്വാസകോശാരോഗ്യം വർദ്ധിപ്പിക്കുകയും ശ്വാസകോശ സംബന്ധമായ അസുഖങ്ങൾ കുറയ്‌ക്കുകയും ചെയ്യുന്നു.

4. ഓറഞ്ച്

ഓറഞ്ച് പോലുള്ള സിട്രസ് പഴങ്ങൾ വിറ്റാമിൻ സിയുടെ മികച്ച ഉറവിടങ്ങളാണ്, ഇത് രോഗപ്രതിരോധ ശേഷി വർദ്ധിപ്പിക്കുകയും ശ്വാസകോശ സംബന്ധമായ പ്രശ്‌നങ്ങളിൽ നിന്നും സംരക്ഷണം നൽകുകയും ചെയ്യും.

5. മഞ്ഞൾ

മഞ്ഞളിന് ആന്റി-ഇൻഫ്‌ലമേറ്ററി ഗുണങ്ങളുണ്ട്, ഇത് മലിനീകരണത്തിൽ നിന്ന് ശ്വാസകോശത്തെ സംരക്ഷിക്കാൻ സഹായിക്കും.

6. മത്സ്യം

സാൽമൺ, അയല തുടങ്ങിയ മത്സ്യങ്ങളിൽ ഒമേഗ 3 ഫാറ്റി ആസിഡുകൾ അടങ്ങിയിട്ടുണ്ട്, ഇത് വായു മലിനീകരണം മൂലമുണ്ടാകുന്ന ശ്വാസകോശ സംബന്ധമായ അസുഖങ്ങളിൽ നിന്നും സംരക്ഷണം നൽകും.

7. ഗ്രീൻ ടീ

ആന്റിഓക്സിഡന്റുകളാൽ സമ്പന്നമാണ് ഗ്രീൻ ടീ, ഇതിൽ അടങ്ങിയിരിക്കുന്ന പോളിഫെനോൾ ശ്വാസകോശത്തിന്റെ പ്രവർത്തനം മെച്ചപ്പെടുത്തും

8. വെളുത്തുള്ളി

ആന്റി-ഇൻഫ്‌ലമേറ്ററി, ആന്റിമൈക്രോബയൽ എന്നീ ഗുണങ്ങൾ അടങ്ങിയതാണ് വെളുത്തുള്ളി, അണുബാധകളുടെ അപകടസാധ്യത കുറയ്‌ക്കുന്നതിലൂടെ ശ്വാസകോശാരോഗ്യത്തെ സംരക്ഷിക്കാൻ ഇത് സഹായിക്കും.

9. ഇഞ്ചി

ഇഞ്ചിയിൽ ജിഞ്ചറോൾ അടങ്ങിയിട്ടുണ്ട്, ഇത് ആന്റി-ഇൻഫ്‌ലമേറ്ററി ഇഫക്റ്റുകൾ ഉള്ളതും മലിനീകരണം മൂലമുണ്ടാകുന്ന ശ്വാസനാളത്തിലെ പ്രശ്‌നങ്ങൾ കുറയ്‌ക്കാനും സഹായിക്കും.

10. നട്‌സ്

ബദാം, വാൽനട്ട്, അണ്ടിപ്പരിപ്പ് എന്നിവയുൾപ്പെടെയുള്ള നട്‌സുകളിൽ ഒമേഗ -3 ഫാറ്റി ആസിഡുകളുണ്ട്. കൂടാതെ ഇവയിൽ ആന്റി-ഇൻഫ്‌ലമേറ്ററി ഗുണങ്ങൾ അടങ്ങിയിട്ടുണ്ട്. ഇത് ശ്വസനവ്യവസ്ഥയുടെ ആരോഗ്യം വർദ്ധിപ്പിക്കാൻ സഹായിക്കും.