ഭാരതത്തിനായി രാജ്യത്തിലെ ഏറ്റവും നീളമേറിയ പാലമായ അടൽസേതു തുറന്നിരിക്കുകയാണ്. അടൽ ബിഹാരി വാജ്പേയ് സേവ്രി- നവ ഷെവ അടൽസേതു എന്ന് പേരിട്ടിരിക്കുന്ന മുംബൈ ട്രാൻസ് ഹാർബർ ലിങ്ക് പാലം പ്രധാനമന്ത്രി നരേന്ദ്രമോദിയാണ് ഇന്ന് ഉദ്ഘാടനം ചെയ്തത്. 21 കിലോമീറ്ററിലധികം നീളമുള്ള പാലം ജനങ്ങൾക്കായി സമർപ്പിച്ചതിന്റെ സന്തോഷത്തിലാണ് പ്രമുഖ ഡയറി ബ്രാൻഡായ അമുലും. ബ്രാൻഡിന്റെ ചിത്രങ്ങളാണ് ഇപ്പോൾ സമൂഹ മാദ്ധ്യമങ്ങളിൽ ഇടംപിടിച്ചിരിക്കുന്നത്.
കയ്യിൽ ഒരു കഷ്ണം ബ്രഡും ബട്ടറും പിടിച്ച് അടൽസേതു പാലത്തിലൂടെയുള്ള കാർ ഡ്രൈവിംഗ് ആസ്വദിക്കുന്ന അമുൽ പെൺകുട്ടിയുടെ ചിത്രമാണ് ബ്രാൻഡ് പങ്കുവച്ചിരിക്കുന്നത്. ‘നവ ഷെവ പാലം സമയം ലാഭിക്കും! അമുൽ രുചിയിലേക്കുള്ള വേഗമേറിയ ലിങ്ക്’ എന്ന അടിക്കുറിപ്പും ചിത്രത്തിൽ കാണാം. ഇതിന്റെ ചിത്രങ്ങൾ നിമിഷ നേരങ്ങൾക്കുള്ളിലാണ് സമൂഹ മാദ്ധ്യമങ്ങളിൽ വൈറലായത്.
View this post on Instagram
“>
മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ, ഉപമുഖ്യമന്ത്രി ദേവേന്ദ്ര ഫഡ്നാവിസ്, ഗവർണർ രമേഷ് ബൈസ് എന്നിവരുടെ സാന്നിധ്യത്തിലായിരുന്നു പാലം ഉദ്ഘാടനം ചെയ്തത്. 22 കിലോമീറ്ററോളമുള്ള പാലത്തിന്റെ നിർമ്മാണ തുക 17,840 കോടിയാണ്. 2016-ലായിരുന്നു പ്രധാനമന്ത്രി പാലത്തിന്റെ തറക്കല്ലിട്ടത്.