വിസ്മയ തുരത്താണ് ലക്ഷദ്വീപ് എന്നാണ് പറയുന്നത്. സത്യത്തിൽ മറ്റെല്ലാ ദ്വീപിലുമുള്ളതിന് സമാനമായ രീതിയിലുള്ള കാര്യങ്ങളും ഭംഗിയുമല്ലേ ലക്ഷദ്വീപിലും ഉള്ളൂവെന്ന് ഒരിക്കലെങ്കിലും ആലോചിക്കാത്തവർ വിരളമായിരിക്കും. എന്നാൽ മറ്റെല്ലാ ദ്വീപുകൾക്കും ഉപരി അൽപ്പം സൗന്ദര്യം കൂടുതലാണ് ലക്ഷദ്വീപിന് എന്ന് തന്നെ പറയാം. കണ്ടാലും കണ്ടാലും മതിവരാത്ത അത്രത്തോളം മനോഹരിയാണ് ലക്ഷദ്വീപ് എന്ന തുരുത്ത്.
സൗന്ദര്യത്തിനും പവിഴപ്പുറ്റുകൾക്കും സമ്പന്നമായ സാംസ്കാരിക പൈതൃകവും കൊണ്ട് പ്രശസ്തമായ ഒരു കൂട്ടം ദ്വീപുകളാണ് അറബിക്കടലിന്റെ ഹൃദയഭാഗത്തായി സ്ഥിതി ചെയ്യുന്ന ലക്ഷദ്വീപ്. ജീവിതത്തിൽ ഒരിക്കലെങ്കിലും കണ്ടിരിക്കേണ്ട ചിലത് ലക്ഷദ്വീപ് ഓരോരുത്തർക്കും കരുതി വച്ചിട്ടുണ്ട്. അവയിൽ ചിലത് ഇതാ..
പവിഴപ്പുറ്റുകളും സമ്പന്നമായ സമുദ്ര ജൈവ വൈവിധ്യവും
എക്കാലവും പഴിഴപ്പുറ്റുകൾക്ക് പേര് കേട്ടയിടമാണ് ലക്ഷദ്വീപ്. സ്കൂബ ഡൈവർമാരുടെയും സ്നോർക്കെലർമാരുടെയും പ്രധാന കേന്ദ്രമാണ് ഇവിടം. വ്യത്യസ്തമാർന്ന മത്സ്യങ്ങൾ, വിസ്മയിപ്പിക്കുന്ന അപൂർവ്വ ഇനം ജീവികളുടെ ആവാസ വ്യവസ്ഥയാണ് ലക്ഷദ്വീപിന്റേത്. വെള്ളത്തിനടിയിലെ അത്ഭുതങ്ങൾ കാണാനുള്ള അവസരവും ഇവിടെയുണ്ട്.
വെളുത്ത മണൽ ബീച്ചുകൾ
വെളുത്ത നിറത്തിലുള്ള പഞ്ചാര മണ്ണിലിന്റെ ഭംഗി ആരെയും ആവേശം കൊള്ളിക്കുമെന്നതിൽ സംശമില്ല. തെളിഞ്ഞ വെള്ളത്തിനും ലക്ഷദ്വീപിലെ ബീച്ചുകൾ പേരു കേട്ടതാണ്. ശാന്തമായ ചുറ്റുപാട് തിരക്കുകളിൽ നിന്ന് മാറി, ആസ്വദിക്കാൻ ആഗ്രഹിക്കുന്നവർക്ക് മികച്ച ഇടങ്ങളാണ്.
വെള്ളത്തിലെ സാഹസിക വിനോദങ്ങൾ
വെള്ളത്തിലെ സാഹസികത ഇഷ്ടപ്പെടുന്നവരുടെ പറുദീസയാണ് ലക്ഷദ്വീപ്. ശുദ്ധജലത്തിലൂടെയുള്ള കയാക്കിംഗ്, വിൻഡ്‌സർഫിംഗ്, പാഡിൽബോർഡിംഗ് തുടങ്ങിയ വിനോദങ്ങൾക്കായി എന്നും ഇവിടേക്ക് ആളുകൾ ഒഴുകിയെത്തുന്നു. സ്‌നോർക്കെലിംഗ്, സ്കൂബ ഡൈവിംഗ് തുടങ്ങിയവയിലൂടെ സമുദ്രത്തിനുള്ളിലെ ലോകം പര്യവേക്ഷണം ചെയ്യാൻ അവസരം നൽകുന്നു. സമുദ്രജീവികൾക്കിടയിലൂടെയുള്ള ആ യാത്ര മറ്റൊരു ലോകത്ത് എത്തിക്കും.
മിനിക്കോയ് ദ്വീപ് വിളക്കുമാടം
നിശബ്ദ കാവൽക്കാരായി നിലകൊള്ളുന്ന ഉയരമുള്ള വിളക്കുമാടങ്ങളാണ് മിനിക്കോയിലുള്ളത്. ദ്വീപ് സമൂഹത്തിന്റെ തെക്കേ അറ്റത്തുള്ള ദ്വീപായ മിനിക്കോയിയിലെ വിളക്കുമാടം ചുറ്റുമുള്ള കടൽത്തീരത്തിന്റെ വിശാലദൃശ്യങ്ങൾ പ്രദാനം ചെയ്യുന്നതിൽ പ്രശസ്തമാണ്.
ബംഗാരത്തിലെ പവിഴ ദ്വീപ്
‘ലക്ഷദ്വീപിന്റെ രത്‌നം’ എന്ന് വിളിക്കപ്പെടുന്ന ബംഗാരം, പവിഴപ്പുറ്റുകളും സമ്പന്നമായ സമുദ്രജീവികളുമുള്ള ഒരു പവിഴപ്പുറ്റാണ്. പവിഴപ്പുറ്റുകളെ പര്യവേക്ഷണം ചെയ്യാനും സൂര്യോദയം ദർശിക്കാനും അവസരം നൽകുന്നു. ബംഗാരത്തിന്റെ ആളൊഴിഞ്ഞതും ശാന്തവുമായ അന്തരീക്ഷം ശാന്തത തേടുന്നവർക്ക് മികച്ച ഓപ്ഷനാണ്.
