പ്രാണപ്രതിഷ്ഠ; പുണ്യ നിമിഷത്തിന് സാക്ഷിയാകാൻ രജനീകാന്ത് അയോദ്ധ്യയിൽ

ലക്നൗ: ജനുവരി 22-ന് അയോദ്ധ്യാ രാമക്ഷേത്രത്തിൽ നടക്കുന്ന പ്രാണപ്രതിഷ്ഠാ ചടങ്ങുകൾക്ക് സാക്ഷ്യം വഹിക്കാൻ രജനികാന്ത് ഉത്തർപ്രദേശിലെത്തി. അയോദ്ധ്യയിലെ ഹോട്ടലിൽ എത്തിയ താരത്തെ വലിയ വരവേൽപ്പ് നൽകിയാണ് സ്വീകരിച്ചത്. ചെന്നൈയിൽ നിന്ന് വിമാന മാർ​ഗമാണ് അദ്ദേഹം അയോദ്ധ്യയിലെത്തിയത്. ചടങ്ങിൽ പങ്കെടുക്കാൻ അവസരം ലഭിച്ചതിലുള്ള സന്തോഷം രജനീകാന്ത് നേരത്തെ പങ്കുവെച്ചിരുന്നു.

‘പ്രാണപ്രതിഷ്ഠാ ചടങ്ങിൽ സംബന്ധിക്കാൻ അവസരം ലഭിച്ചതിൽ സന്തോഷമുണ്ട്. നാളത്തേത് ചരിത്രപരമായ ദിനമാണ്. രാമജന്മൂഭൂമിയിൽ എത്താൻ അവസരം ലഭിച്ചതിൽ അതിയായ സന്തോഷം’- എന്നായിരുന്നു അയോദ്ധ്യയിലേയ്‌ക്ക് പുറപ്പെടും മുമ്പേ ചെന്നൈ വിമാനത്താവളത്തിൽ വച്ച് മാദ്ധ്യമങ്ങളെ കാണുന്നതിനിടെ രജനീകാന്ത് പറഞ്ഞത്.

#WATCH | Uttar Pradesh | Superstar Rajinikanth arrives at a hotel in Ayodhya, ahead of the Ram Temple pranpratishtha tomorrow. pic.twitter.com/IJFYH7WGyP

— ANI (@ANI) January 21, 2024

“>

ക്ഷണിക്കപ്പെട്ട 7000 അതിഥികളാണ് അയോദ്ധ്യയിലെത്തുന്നത്. പ്രാണപ്രതിഷ്ഠകൾക്ക് മണിക്കൂറുകൾ മാത്രം ബാക്കി നിൽക്കെ അവസാനവട്ട ഒരുക്കത്തിലാണ് അയോദ്ധ്യാപുരി. സന്ന്യാസി ശ്രേഷ്ഠർ, രാഷ്‌ട്രീയ, സിനിമ, കായിക, വ്യവസായ രംഗത്തെ പ്രമുഖർ ഉൾപ്പെടെ നിരവധിപേർ ചടങ്ങിന് സാക്ഷിയാകും. നിരവധി രാജ്യങ്ങളിൽ നിന്നുള്ള പ്രതിനിധികളും ചടങ്ങിൽ പങ്കാളികളാകും.