ഭുവനേശ്വർ: 75-ാമത് റിപ്പബ്ലിക് ദിന പരേഡിൽ നാരീശക്തി തെളിയിച്ച് യുവമലയാളി ഐപിഎസ് ഉദ്യോഗസ്ഥ. ഒഡീഷയിലെ റിപ്പബ്ലിക് ദിനാഘോഷ പരേഡ് നയിച്ചത് മലയാളിയായ എ.ബി.ശിൽപയാണ്. തിരുവനന്തപുരം തോന്നയ്ക്കൽ സ്വദേശിയായ ശിൽപ ഗൻജം എഎസ്പിയാണ്. 2021 ബാച്ച് ഐപിഎസ് ഉദ്യോഗസ്ഥയാണ്.
സൈനിക ശക്തിയും സാംസ്കാരിക പൈതൃകവും സ്ത്രീശാക്തീകരണവും വിളിച്ചോതുന്നതായിരുന്നു ഇത്തവണത്തെ റിപ്പബ്ലിക് ദിനാഘോഷം. ഒഡീഷയിലെ റിപ്പബ്ലിക് ദിന പരേഡിനെ നയിക്കാൻ കഴിഞ്ഞതിൽ സന്തോഷമുണ്ടെന്ന് ശിൽപ പറഞ്ഞു. ഗവർണർ രഘുഭർദാസും മുഖ്യമന്ത്രി നവീൻ പട്നായികും ഉൾപ്പെടെയുള്ളവർ പങ്കെടുത്ത ചടങ്ങിലാണ് ശിൽപ റിപ്പബ്ലിക്ക് ദിനപരേഡ് നയിച്ചത്.
#WATCH | #Odisha Governor #RaghubarDas unfurls the Tricolour in Bhubaneswar, on #RepublicDay2024 CM #NaveenPatnaik is also present at the function.
(ANI) pic.twitter.com/DZ2fT7abZP— Prameya English (@PrameyaEnglish) January 26, 2024
“>
മൂന്ന് തവണത്തെ കഠിന ശ്രമത്തിനൊടുവിലാണ് ശിൽപ ഐപിഎസ് നേടിയത്. ആദ്യത്തെ ശ്രമം പരാജയപ്പെട്ടെങ്കിലും രണ്ടാം തവണ 298-ാം റാങ്ക് നേടി ഐആർടിഎസിൽ ഉദ്യോഗസ്ഥയായി. പക്ഷേ തോൽക്കാൻ ശിൽപ തയ്യാറായിരുന്നില്ല. ഒരു ശ്രമം കൂടി നടത്തിയതിന് ശേഷമാണ് ഐപിഎസ് ലഭിച്ചത്.