പ്ലസ് ടു പാസാണോ? കേന്ദ്ര സർക്കാർ ജോലി റെഡി; വിവരങ്ങൾ‌ ഇതാ..

കേന്ദ്ര സർക്കാർ ജോലി ആ​ഗ്രഹിക്കുന്നവർക്ക് സുവർണാവസരം. സ്റ്റെനോ​ഗ്രാഫർ ​ഗ്രേഡ്-II, സീനിയർ സ്റ്റോർ കീപ്പർ തസ്തികകളിലേക്ക് നിയമനം ക്ഷണിച്ച് പ്രതിരോധ മന്ത്രാലയം. പ്ലസ് ടു പാസായവർക്ക് അപേക്ഷിക്കാവുന്നതാണ്. തിരഞ്ഞെടുക്കപ്പെടുന്ന ഉദ്യോഗാർത്ഥികളെ കുറഞ്ഞത് രണ്ട് വർഷത്തേക്ക് പ്രൊബേഷനിൽ ഉൾപ്പെടുത്തും.

സ്റ്റെനോ​ഗ്രാഫർ ​ഗ്രേഡ്-II തസ്തികയിൽ മൂന്ന് ഒഴിവുകളും സീനിയർ സ്റ്റോർ കീപ്പർ തസ്തികയിൽ ഒരു ഒഴിവുമാണുള്ളത്. 18-നും 27-നും പ്രായമുള്ളവർക്ക് അപേക്ഷിക്കാവുന്നതാണ്. എഴുത്തുപരീക്ഷയുടെ അടിസ്ഥാനത്തിലാകും തിരഞ്ഞെടുപ്പ്. മിനിറ്റിൽ 80 വാക്കുകളിൽ കുറയാതെ ടൈപ്പ് ചെയ്യാൻ ഉദ്യോ​ഗാർത്ഥികൾ‌ക്ക് കഴിയണം. ഇംഗ്ലീഷ് ട്രാൻസ്‌ക്രിപ്ഷൻ- 50 മിനിറ്റ് , ഹിന്ദി 65 മിനിറ്റും കമ്പ്യൂട്ടറിൽ ചെയ്യാൻ സാധിക്കണം. സീനിയർ‌ സ്റ്റോർ കീപ്പർ തസ്തികയിലേക്ക് അപേക്ഷിക്കുന്നവർക്ക് മെറ്റീരിയൽ മാനേജ്മെന്റിൽ സർട്ടിഫിക്കറ്റ് കോഴ്സും സ്റ്റോർ കീപ്പിംഗ് അഥവാഅക്കൗണ്ടൻസിയിൽ കുറഞ്ഞത് രണ്ട് വർഷത്തെ പരിചയവുമുണ്ടായിരിക്കണം.

താത്പര്യമുള്ള ഉദ്യോ​ഗാർത്ഥികൾക്ക് ചീഫ് ക്വാളിറ്റി അഷ്വറൻസ് എസ്റ്റാബ്ലിഷ്മെന്റ് (വാർഷിപ്പ് എക്യുപ്‌മെന്റ്) ജലഹള്ളി ക്യാമ്പ് റോഡ്, യശ്വന്ത്പൂർ പോസ്റ്റ്, ബെംഗളൂരു-560022 എന്ന വിലാസത്തിൽ അപേക്ഷ സമർപ്പിക്കാവുന്നതാണ്.