ക്ഷീണവും ഉന്മേഷക്കുറവും അനുഭവപ്പെടുമ്പോൾ നാം പലപ്പോഴും ആശ്രയിക്കുന്നത് എനർജി ഡ്രിങ്കുകളെയായിരിക്കും. പേര് പോലെ തന്നെ ഉന്മേഷം പ്രദാനം ചെയ്യുന്ന ഇത്തരം ഡ്രിങ്കുകൾ പതിവായി കുടിക്കുന്നത് നിരവധി ആരോഗ്യപ്രശ്നങ്ങൾക്ക് വഴിവയ്ക്കുമെന്ന് നമുക്ക് അറിയാം. ഇത് ഉറക്കത്തെയും ബാധിക്കുമെന്ന് എത്ര പേർക്ക് അറിയും? എന്നാൽ ഉന്മേഷത്തിനായി എനർജി ഡ്രിങ്കുകൾ കുടിക്കുന്നവർ ഇതറിഞ്ഞോളൂ..
എനർജി ഡ്രിങ്ക് പതിവായി കുടിക്കുന്നവരിൽ ഉറക്കത്തിന്റെ അളവ് വളരെയധികം കുറവായിരിക്കുമെന്നാണ് പഠനങ്ങളിൽ പറയുന്നത്. നോർവേയിൽ നടത്തിയ പഠനത്തിലാണ് ഇക്കാര്യം കണ്ടെത്തിയിരിക്കുന്നത്. എനർജി ഡ്രിങ്ക് കുടിക്കുന്നവരിൽ ഇൻസോംനിയ എന്ന രോഗത്തിന് കാരണമാകുന്നുവെന്നും ഇത് മറ്റു രോഗങ്ങളിലേക്ക് വഴിവയ്ക്കുന്നുവെന്നും പഠനങ്ങളിൽ പറയുന്നു. എനർജി ഡ്രിങ്കുകളിൽ കഫൈൻ കൂടുതലായി അടങ്ങിയിട്ടുള്ളതിനാൽ ഇത് ഉറക്കക്കുറവിലേക്ക് വഴിവയ്ക്കുന്നു. പഞ്ചസാര ധാരാളം അടങ്ങിയിട്ടുള്ളതിനാൽ ഇത് പ്രമേഹത്തിനും കരൾ സംബന്ധതമായ അസുഖങ്ങളിലേക്കും നയിക്കുന്നുവെന്നുമാണ് പഠനങ്ങളിൽ പറയുന്നത്. ഒരുമാസത്തിൽ മൂന്ന് തവണ എനർജി ഡ്രിങ്കുകൾ കുടിക്കുന്നവരിൽ പോലും ഇത്തരം രോഗങ്ങൾ പ്രകടമാകുന്നുണ്ടെന്നാണ് കണ്ടെത്തലുകൾ.