ജയ്പൂർ: ഗുഡ്സ് ട്രെയിനുമായി കൂട്ടിയിടിച്ച് സബർമതി സൂപ്പർഫാസ്റ്റ് എക്സ്പ്രസിന്റെ എഞ്ചിൻ പാളം തെറ്റി. ഇന്ന് പുലർച്ചെ ഒരു മണിക്കായിരുന്നു സംഭവം. അജിമീറിലെ മദർ റെയിൽവേ സ്റ്റേഷന് സമീപത്ത് വച്ചായിരുന്നു ട്രെയിൻ ഗുഡ്സ് ട്രെയിനുമായി കൂട്ടിയിടിച്ച് അപകടം സംഭവിച്ചത്. ട്രെയിനിന്റെ നാല് കോച്ചുകളാണ് പാളം തെറ്റിയത്. യാത്രക്കാർക്ക് അപകടത്തിൽ പരിക്കേറ്റു. ആരുടേയും പരിക്ക് ഗുരുതരമല്ലെന്നാണ് വിവരം.
കൃത്യസമയത്ത് ട്രെയിനിന്റെ ലോക്കോ പൈലറ്റ് എമർജൻസി ബ്രേക്ക് ഇട്ടെങ്കിലും കൂട്ടിയിടി ഒഴിവാക്കാനായില്ലെന്ന് റെയിൽവേ അധികൃതർ അറിയിച്ചു. ഉടൻ തന്നെ റെയിൽവേ ഉദ്യോഗസ്ഥർ അപകട സ്ഥലത്തെത്തി സ്ഥിതിഗതികൾ മനസിലാക്കി. പിന്നാലെ മറ്റൊരു ട്രെയിൻ എത്തിച്ച് യാത്ര പുനഃരാരംഭിക്കുകയായിരുന്നു. ട്രാക്കിന്റെ അറ്റകുറ്റപ്പണികൾ പുരോഗമിച്ചു കൊണ്ടിരിക്കുകയാണെന്നും അധികൃതർ അറിയിച്ചു.
