ചെന്നൈ: തെരഞ്ഞെടുപ്പ് പ്രചാരണത്തിനിടെ പ്രധാനമന്ത്രി നരേന്ദ്രമോദിയെ വധിക്കുമെന്ന് ഭീഷണി. ചെന്നൈയിലെ എൻഐഎ ഓഫീസിലേക്കാണ് അജ്ഞാതന്റെ ഫോൺ കോൾ എത്തിയത്. ചെന്നൈ പൊലീസിന്റെ സൈബർ ക്രൈം വിഭാഗം അന്വേഷണം ആരംഭിച്ചതായി അറിയിച്ചു.
എൻഐഎ ഓഫീസിന്റെ കൺട്രോൾ റൂമിലേക്ക് വിളിച്ച അജ്ഞാതൻ ഹിന്ദിയിലായിരുന്നു സംസാരിച്ചതെന്ന് ഉദ്യോഗസ്ഥർ പറഞ്ഞു. തെരഞ്ഞെടുപ്പ് പ്രചാരണത്തിനിടെ പ്രധാനമന്ത്രിയെ വധിക്കുമെന്ന് മാത്രം പറഞ്ഞ ശേഷം ഫോൺ കോൾ നിലയ്ക്കുകയായിരുന്നു. ഇതോടെ എൻഐഎ, ഡൽഹിയിലെ ഓഫീസിലേക്ക് വിവരം കൈമാറി.
തുടർന്ന് നടത്തിയ പരിശോധനയിൽ മധ്യപ്രദേശിൽ നിന്നാണ് സന്ദേശം എത്തിയതെന്ന് സൂചന ലഭിച്ചതായി ഉദ്യോഗസ്ഥർ അറിയിച്ചു. അന്വേഷണം പുരോഗമിക്കുകയാണെന്നും പ്രതിയെ ഉടനെ കണ്ടെത്താൻ സാധിക്കുമെന്നും എൻഐഎ ഉദ്യോഗസ്ഥർ പറഞ്ഞു.
ഇന്ന് ബെംഗളൂരുവിലെ മൂന്ന് പഞ്ചനക്ഷത്ര ഹോട്ടലുകൾക്ക് നേരെയും ബോംബ് ഭീഷണി ഉയർന്നിട്ടുണ്ട്. ഈ സാഹചര്യത്തിലാണ് തെരഞ്ഞെടുപ്പ് പ്രചാരണത്തിനിടെ പ്രധാനമന്ത്രിയെ വധിക്കുമെന്ന ഭീഷണിയും ഉയരുന്നത്. ഈ സാഹചര്യത്തിൽ തെരഞ്ഞെടുപ്പ് പ്രചാരണത്തിനിടെ പ്രധാനമന്ത്രിയെ വധിക്കുമെന്ന ഭീഷണി ഗൗരവത്തോടെയാണ് അന്വേഷണ ഏജൻസികൾ കണക്കിലെടുക്കുന്നത്.