സ്മാർട്ട് ഫോണുകൾ ഉപയോഗിക്കാത്ത ഒരു ദിവസം പോലും നമ്മുടെ ജീവിതത്തിലുണ്ടായിരിക്കില്ല. പണമിടപാടുകൾ കൂടി സ്മാർട്ട്ഫോണുകൾ വഴിയായപ്പോൾ സുരക്ഷിതവും എന്നാൽ ബജറ്റിൽ ഒതുങ്ങുന്നതുമായ ഫോണുകൾ തെരഞ്ഞെടുക്കാൻ നമ്മൾ ശ്രദ്ധിക്കാറുണ്ട്. അത്തരത്തിൽ 35,000 രൂപയ്ക്ക് താഴെയുള്ള സ്മാർട്ട്ഫോണുകളാണ് നിങ്ങൾ തിരയുന്നതെങ്കിൽ ഈ ഫോണുകൾ നോക്കിക്കോളൂ..
റിയൽമി GT 6T
6.78 ഇഞ്ച് ഡിസ്പ്ലേയോടെ അടുത്തിടെ പുറത്തിറങ്ങിയ സ്മാർട്ട്ഫോണാണ് റിയൽമി GT 6T. 24,999 രൂപയാണ് ഇതിന്റെ വിലയായി വരുന്നത്. സ്നാപ്ഡ്രാഗൺ 7+Gen 3SoC, 5,500mAh ബാറ്ററി എന്നിവയാണ് ഫോണിന്റെ മറ്റ് സവിശേഷതകൾ. 50Mp മെയിൻ റിയർ ക്യാമറയും ഇതിൽ വരുന്നു.
മോട്ടോറോള എഡ്ജ് 50 പ്രോ
മികച്ച ഫാസ്റ്റ് ചാർജിംഗ് ഓപ്ഷനോടെ പുറത്തിറങ്ങിയ ഫോണാണ് മോട്ടോറോള എഡ്ജ് 50 പ്രോ. 68W ഫാസ്റ്റ് ചാർജാണ് ഇതിൽ വരുന്നത്. ഇതിനുപുറമെ 8 ജിബി റാമും 256 ജിബി സ്റ്റോറേജുമാണ് ഡിവൈസിലുള്ളത്. 6.70 ഇഞ്ച് ഡിസ്പ്ലേയോടും സ്നാപ്ഡ്രാഗൺ 7Gen 3SoC, 50MP മെയിൻ റിയർ ക്യാമറ എന്നിവയാണ് ഇതിന്റെ മറ്റ് സവിശേഷതകൾ. 30,999 രൂപയാണ് വില.
റെഡ്മി നോട്ട് 13 പ്രോ 5ജി
25,000 രൂപയ്ക്കിടയിൽ വരുന്ന ഒരു സ്മാർട്ട് ഫോണാണ് നിങ്ങൾ തിരയുന്നതെങ്കിൽ റെഡ്മി നോട്ട് 13 പ്രോ 5 ജി ലിസ്റ്റിൽ ഉൾപ്പെടുത്താം. 24,999 രൂപയാണ് ഇതിന്റെ വില. 6.67 ഇഞ്ച് ഡിപ്ലേയും 200MP ട്രിപ്പിൾ റിയർ ക്യാമറയുമാണ് ഇതിൽ അടങ്ങിയിരിക്കുന്നത്. ഇതിനുപുറമെ ഡൈമെൻസിറ്റി 7200 അൾട്രാ SoC, 16MP ഫ്രണ്ട് കാമറ എന്നിവയാണ് ഫോണിന്റെ മറ്റ് സവിശേഷതകൾ. 5,000mAh ബാറ്ററിയും ഡിവൈസിൽ അടങ്ങിയിരിക്കുന്നു.