ലക്നൗ: ടോൾ ജീവനക്കാർ പണം ചോദിച്ചതിൽ പ്രകോപിതനായി ടോൾ ബൂത്ത് തകർത്ത് ജെസിബി ഡ്രൈവർ. ഡൽഹി-ലക്നൗ ഹൈവേ എൻഎച്ച്-9-ലെ പിൽഖുവ പോലീസ് സ്റ്റേഷന്റെ കീഴിലുള്ള ഛിജരാസി ടോൾ പ്ലാസയിൽ ചൊവ്വാഴ്ചയാണ് സംഭവം.
ടോൾ ബൂത്തിലൂടെ കടന്നുപോകുകയായിരുന്ന ബുൾഡോസർ ഡ്രൈവറോട് ടോൾ ജീവനക്കാർ പണം ചോദിക്കുകയായിരുന്നു. ഇതിൽ പ്രകോപിതനായ യുവാവ് ബുൾഡോസർ ഉപയൊഗിച്ച് രണ്ട് ടോൾ ബൂത്തുകളും തകർക്കുകയായിരുന്നു വെന്ന് ദൃക്സാക്ഷികൾ പറയുന്നു. അവിടെ സ്ഥാപിച്ചിരുന്ന സി സി ടി വി ക്യാമറകളും യുവാവ് തകർത്തതായും വൻ നാശനഷ്ടം വരുത്തി വച്ചതായും അധികൃതർ പറയുന്നു.
टोल मांगने पर बुलडोजर नाराज हो गया। टोल प्लाजा के 2 बूथ तोड़ डाले। कर्मचारियों ने भागकर जान बचाई। फिलहाल बुलडोजर जी फरार हैं।
📍छिजारसी टोल प्लाजा, जिला हापुड़ (UP) pic.twitter.com/oLivR2N4Co— Sachin Gupta (@SachinGuptaUP) June 11, 2024
അധികൃതരുടെ പരാതിയെ തുടർന്ന് യുവാവിനെയും ജെസിബിയെയും പോലീസ് കസ്റ്റഡിയിലെടുത്തിട്ടുണ്ട്. പ്രതിക്കെതിരെ ഗുണ്ടാ ആക്ട് പ്രകാരം കേസ് രജിസ്റ്റർ ചെയ്തതായി പൊലീസ് അറിയിച്ചു.
