മുംബൈ: കനത്ത മഴയിൽ മുങ്ങി മുംബൈ നഗരം. നഗരത്തിന്റെ പല ഭാഗങ്ങളിലും വെള്ളക്കെട്ട് രൂപപ്പെട്ടിട്ടുണ്ട്. ഗതാഗത കുരുക്കും വ്യാപകമാണ്. നിർത്താതെ മഴ പെയ്യുന്ന സാഹചര്യമാണ് മുംബൈയിലുള്ളത്.
#WATCH | Maharashtra: People face difficulties as heavy rains cause waterlogging in several parts of Mumbai. pic.twitter.com/ctBnKTmU6K
— ANI (@ANI) July 8, 2024
റെയിൽവേ ട്രാക്കുകളി‍ൽ വെള്ളക്കെട്ട രൂപ്പെട്ടതിനാൽ ട്രെയിൻ സർവീസുകൾ താത്കാലികമായി നിർത്തി വച്ചു. മഴയിലും കാറ്റിലും ട്രാക്കിൽ മരം വീണു. കല്യാൺ-കാസറ സെക്ഷനിലെ ഖദാവ്‌ലിക്കും ടിറ്റ്‌വാലയ്‌ക്കും ഇടയിലുള്ള ലോക്കൽ ട്രെയിൻ ഗതാഗതം തടസപ്പെട്ടു. കനത്ത മഴ തുടരുമെന്നാണ് പ്രവചനം.
#WATCH | Maharashtra: Water accumulated at railway track, following heavy rainfall in Mumbai.
(Visuals from Dadar Area) pic.twitter.com/lXH4qeHh5p
— ANI (@ANI) July 8, 2024
ഇന്ന് പുലർച്ചെ ഒരു മണി മുതൽ ഏഴ് മണി വരെ ആറ് മണിക്കൂറിനിടെ മുംബൈയിലെ വിവിധ സ്ഥലങ്ങളിൽ 300 മില്ലി മീറ്ററിലധികം മഴയാണ് രേഖപ്പെടുത്തിയത്. കനത്ത മഴ സെൻട്രൽ റെയിൽവേ സബർബൻ സർവീസുകളെയും സിയോൺ, ഭാണ്ഡൂപ്പ്, നഹൂർ സ്റ്റേഷനുകൾക്കിടയിലുള്ള ട്രെയിൻ സർവീസുകളെയും ബാധിച്ചു.
ഇന്ന് മുംബൈ ഡിവിഷനിൽ നിന്നും റദ്ദാക്കിയ ട്രെയിനുകൾ:
12110 (MMR-CSMT)
11010 (പൂനെ-സിഎസ്എംടി)
12124 (പൂനെ CSMT ഡെക്കാൻ)
11007 (പൂനെ-സിഎസ്എംടി ഡെക്കാൻ)
12127 (CSMT-പൂനെ ഇൻ്റർസിറ്റി എക്സ്പി)
മഹാരാഷ്‌ട്രയുടെ വിവിധ ഭാഗങ്ങളിൽ മഴ തുടരുന്നതിനാൽ താനെ, വസായ് (പാൽഘർ), മഹദ് (റായിഗഡ്), ചിപ്ലൂൺ (രത്‌നഗിരി), കോലാപൂർ, സാംഗ്ലി, സത്താറ, ഘാട്‌കോപ്പർ, കുർള, സിന്ധുദുർഗ് എന്നിവിടങ്ങളിൽ എൻഡിആർഎഫ് സംഘങ്ങളെ വിന്യസിച്ചു. അന്ധേരിയിൽ മൂന്ന് ടീമുകൾ രക്ഷാപ്രവർത്തനത്തിന് സുസജ്ജമാണ്. അനിഷ്ട സംഭവങ്ങൾ ഉണ്ടാകാതിരിക്കാനും വെള്ളപ്പൊക്കം പോലുള്ള സാഹചര്യങ്ങളിൽ ആളുകളെ ഒഴിപ്പിക്കാനുമായി ഒരു ടീം നാഗ്പൂരിലും സജ്ജമാണ്.
