തൃശൂർ: ശക്തമായ കാറ്റിൽ ഗുരുവായൂർ ക്ഷേത്ര പരിസരത്തെ കൂവളത്തിന്റെ കൊമ്പൊടിഞ്ഞു വീണ് യുവതിക്ക് പരിക്കേറ്റു.
ഗുരുവായൂർ ക്ഷേത്രദർശനത്തിനെത്തിയ നോർത്ത് പറവൂർ സ്വദേശിനി അനുമോൾ(27)ക്കാണ് പരിക്കേറ്റത്. യുവതിയെ ദേവസ്വം ആശുപത്രിയിലേക്ക് മാറ്റി.
ഇന്ന് രാവിലെ 9.15 ഓടെയായിരുന്നു സംഭവം. ഗുരുവായൂർ ക്ഷേത്രത്തിന്റെ തെക്കേനടപന്തലിന് പടിഞ്ഞാറ് ഭാഗത്ത് നിന്നിരുന്ന കൂവളത്തിന്റെ കൊമ്പാണ് ഒടിഞ്ഞുവീണത്. അനുമോളുടെ തലയിലേക്ക് ചില്ല വീഴുകയായിരുന്നു. പരിക്ക് ഗുരുതരമല്ല. സംഭവത്തെ തുടർന്ന് അധികൃതരെത്തി ഒടിഞ്ഞുവീണ കൂവളത്തിന്റെ കൊമ്പ് വെട്ടിമാറ്റി.
