ആദ്യ സിനിമയിലൂടെ തന്നെ മികച്ച ബാലതാരത്തിനുള്ള സംസ്ഥാന പുരസ്കാരം സ്വന്തമാക്കിയ ആളാണ് നിവേദ തോമസ്. വെറുതേ ഒരു ഭാര്യ എന്ന ചിത്രത്തിലൂടെയാണ് നടി അരങ്ങേറ്റം കുറിച്ചത്. തുടര്ന്ന് മധ്യവേനല്, ചാപ്പാകുരിശ്, പ്രണയം പോലുള്ള സിനിമകളില് മികച്ച അഭിനയം കാഴ്ചവച്ചു. റോമന്സ് എന്ന ചിത്രത്തിലൂടെ നായികയായ നടി ഇപ്പോള് കൂടുതലും തമിഴ്- തെലുങ്ക് സിനിമകളാണ് ചെയ്യുന്നത്. തെലുങ്ക് സിനിമാ ലോകത്ത് ഭാഗ്യ നായിക എന്നാണ് നിവേദ അറിയപ്പെടുന്നത്.
തെലുങ്കു ചിത്രം ’35 ചിന്നകഥ കാടു’ എന്ന സിനിമയുടെ പ്രമോഷൻ പരിപാടിക്കെത്തിയ
നിവേദ പുതിയ ലുക്കാണ് ചർച്ചയായകുന്നത്. സാരിയിൽ അതീവസുന്ദരിയായാണ് നിവേദ ആരാധകർക്കു മുൻപിൽ പ്രത്യക്ഷപ്പെട്ടത്. എന്നാൽ, നിവേദയെ ബോഡി ഷെയിം ചെയ്യുന്ന തരത്തിലുള്ള കമന്റുകളാണ് ചിത്രത്തിന് താഴെ പ്രത്യക്ഷപ്പെടുന്നത്. ശരീര വണ്ണം ഇത്രയും കൂടിയതെങ്ങനെയെന്നാണ് പലരും ചോദിച്ചിരിക്കുന്നത്. ചിലർ തടി കൂടിയല്ലോ എന്ന തരത്തിൽ ബോഡി ഷെയ്മിങ് ചെയ്യുന്ന കമന്റുകളുണ്ട്. ആരോഗ്യ പ്രശ്നങ്ങൾ കൊണ്ടാകാം മാറ്റം എന്ന് അഭിപ്രായപ്പെടുന്നവരുമുണ്ട്.
’35 ചിന്നകഥ കാടുവിൽ’ രണ്ട് കുട്ടികളുടെ അമ്മയായാണ് നിവേദ എത്തുന്നത്. തെലുങ്കുതാരം വിശ്വദേവ രചകൊണ്ടയാണ് നായകൻ. ഗൗതമി, ഭാഗ്യരാജ്, കൃഷ്ണ തേജ തുടങ്ങിയവർ കേന്ദ്ര കഥാപാത്രങ്ങളെ അവതരിപ്പിക്കുന്നു.
