ഡൽഹി: ഐഫോൺ 16 വാങ്ങാൻ ആപ്പിൾ സ്റ്റോറുകൾക്ക് മുമ്പിൽ നീണ്ട ക്യൂ. വെള്ളിയാഴ്ച രാവിലെ 8 മണി മുതലാണ് ഐഫോൺ 16ന്റെ വിൽപ്പന ഇന്ത്യയിൽ ആരംഭിച്ചത്. എന്നാൽ ക്യൂവിൽ ഇടം പിടിക്കാൻ വ്യാഴാഴ്ച മുതൽ തന്നെ ആളുകൾ എത്തി തുടങ്ങി.
ഡല്‍ഹിയിലും മുംബൈയിലുമുള്ള ആപ്പിളിന്റെ ഔദ്യോഗിക വില്‍പന കേന്ദ്രങ്ങളായ ആപ്പിള്‍ സ്റ്റോറുകള്‍ക്ക് മുന്നിലെ ജനത്തിരക്കിന്റെ വീഡിയോകള്‍ ഇതിനകം സമൂഹമാദ്ധ്യമങ്ങളിൽ വൈറലാണ്. മുൻകൂട്ടി ബുക്ക് ചെയ്ത ഫോൺ വാങ്ങാനാണ് ഈ തിക്കും തിരക്കും. മറ്റ് സംസ്ഥാനങ്ങളിൽ നിന്ന് വന്നവരും കൂട്ടത്തിലുണ്ട്. 21 മണിക്കൂറായി ഇവിടെ കാത്തു നിൽക്കുകയാണെന്ന് യുപിയിലെ സഹറൻപൂരിൽ നിന്ന വന്ന മുഹമ്മദ് ഷാരിഖ് പറഞ്ഞു. “ഞാൻ ഒരു ഐഫോൺ പ്രേമിയാണ്. മുംബൈയിലെ സ്റ്റോറിൽ പോകാൻ പ്ലാൻ ചെയ്തിരുന്നെങ്കിലും ഭാഗ്യം കൊണ്ട് ഡൽഹിയിൽ തന്നെ കിട്ടി. നേരത്തെ ഞാൻ ഐഫോൺ 15 പ്രോ മാക്‌സ് ഉപയോഗിച്ചിരുന്നു,” മുഹമ്മദ് ഷാരിഖ് കൂട്ടിച്ചേർത്തു.
#WATCH | Maharashtra: A huge crowd gathered outside Apple store at Mumbai’s BKC – India’s first Apple store.
Apple’s iPhone 16 series to go on sale in India from today. pic.twitter.com/RbmfFrR4pI
— ANI (@ANI) September 20, 2024
ഇന്ത്യയിൽ ഐഫോണ്‍ 16, ഐഫോണ്‍ 16 പ്രോ, ഐഫോണ്‍ 16 പ്രോ മാക്‌സ്, ഐഫോണ്‍ 16 പ്ലസ് എന്നിങ്ങനെ നാല് മോഡലുകളാണ് ലഭ്യമാകുന്നത്. ഇന്ത്യയില്‍ ഐഫോണ്‍ 16 ന്റെ വില 79,900 ആണ്. ഐഫോണ്‍ 16 പ്ലസ് 89,900 രൂപയ്‌ക്ക് ലഭ്യമാകും. ഐഫോണ്‍ 16 പ്രോയുടെ സ്റ്റാര്‍ട്ടിങ് പ്രൈസ് 1,19,900 ഉം ഐഫോണ്‍ 16 പ്രോ മാക്‌സിന്‌റേത് 1,44,900 ആയിരിക്കും.
