ഓട്ടോ മൈബൈൽ രംഗത്ത് വൻ കുതിപ്പിനൊരുങ്ങി ഇലോൺ മസ്ക്. ചക്രമോ സ്റ്റിയറിംഗോ എന്തിനേറെ ഡ്രൈവറോ ഇല്ലാത്ത വാഹനം അവതരിപ്പിച്ചിരിക്കുകയാണ് ടെസ്ല. സൈബർക്യാമ്പ് എന്ന് പേരിട്ടിരിക്കുന്ന റോബോ ടാക്സിയാണ് ലോകത്തിന് മസ്ക് പരിചയപ്പെടുത്തിയിരിക്കുന്നത്.
Robotaxi pic.twitter.com/zVJ9v9yXNr
— Tesla (@Tesla) October 11, 2024
കാലിഫോർണിയയിലെ ബർബാങ്കിൽ നടന്ന കാർ നിർമ്മാതാക്കളുടെ പരിപാടിയിൽ സ്റ്റേജിലേക്കുള്ള വഴിയിലേക്ക് റോബാ ടാക്സി ഓടിച്ച് മാസായാണ് മസ്ക് പരിപാടിക്കെത്തിയത്. ഇതിന്റെ വീഡിയോ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിക്കുന്നുണ്ട്.
മുകളിലേക്ക് തുറക്കുന്ന വാതിലുകളും രണ്ട് പേർക്ക് യാത്ര ചെയ്യാനും സാധിക്കും. മനുഷ്യൻ ഓടിക്കുന്ന വാഹനങ്ങളേക്കാൾ 20 മടങ്ങ് വരെ സുരക്ഷിതമാണെന്നും മസ്ക് അവകാശപ്പെട്ടു. സിറ്റി ബസുകൾക്ക് ഒരു മൈൽ സഞ്ചരിക്കാൻ ഒരു ഡോളർ ചെലവിടേണ്ടി വന്നാൽ സൈബർ ടാക്സിക്ക് 0.20 ഡോളർ ചെലവ് മാത്രമേ വരൂവെന്ന് ഇലോൺ മസ്ക് ഉദാഹരണ സഹിതം വ്യക്തമാക്കുന്നു. വയർലെസായി വാഹനം ചാർജ് ചെയ്യാം. 2026-ഓടെ വ്യവസായിക ഉത്പാദനം ആരംഭിക്കുമെന്ന് മസ്ക് അറിയിച്ചു. 30,000 ഡോളർ (25,21,400 രൂപ) ആയിരിക്കും സൈബർക്യാമ്പിന്റെ വില.
ഒരേ സമയം 20 പേരെ വഹിക്കാൻ കഴിയുന്ന റോബോവൻ എന്ന ആശയവും മസ്ക് പങ്കുവച്ചു. കാർഗോ സർവീസിനും ഇത് ഉപയോഗിക്കാൻ സാധിക്കും. ഇതിന് പുറമേ 20 പേരെ വരെ വഹിക്കാൻ ശേഷിയുള്ള റോബോ വാൻ എന്ന ആശയവും മസ്ക് പങ്കിട്ടു. മധ്യത്തിൽ നിന്ന് മുകളിലേക്ക് പൊങ്ങുന്ന വാതിലാകും റോബോ വാന് ഉണ്ടാവുക. അകത്ത് ഇരിപ്പിടങ്ങളും നിൽക്കാനുള്ള സൗകര്യവുമുണ്ടാകും.
ബസിന് സമാനമായി എല്ലാ സീറ്റിനോടും ചേർന്ന ജനാലകളുമുണ്ടാകും. ഇതിനും സ്റ്റിയറിംഗും ചക്രവും ഉണ്ടാകില്ല. റോബോവാന് എത്ര വിലവരും, ടെസ്ല അത് എങ്ങനെ നിർമ്മിക്കും, എപ്പോൾ പുറത്തിറങ്ങും തുടങ്ങിയ വിവരങ്ങളൊന്നും മസ്ക് വെളിപ്പെടുത്തിയിട്ടില്ല. നിക്ഷേപകരും വ്യവസായികളും ഉൾപ്പടെ നിരവധി പേരിലാണ് മസ്കിന്റെ ആശയം ആവേശം കൊള്ളിച്ചിരിക്കുന്നത്.
Robotaxi & Robovan pic.twitter.com/pI2neyJBSL
— Tesla (@Tesla) October 11, 2024
ഒപ്റ്റിമസ് ഹ്യൂമനോയിഡ് റോബോട്ടുകളുടെ ഏറ്റവും പുതിയ പതിപ്പും അദ്ദേഹം പരിപാടിയിൽ അവതരിപ്പിച്ചു. 20,000 ഡോളർ മുതൽ 30,000 ഡോളർ വരെ ചെലവിലാണ് റോബോട്ടിനെ നിർമിച്ചതെന്നും അദ്ദേഹം വ്യക്തമാക്കി.
