പാമ്പൻ പാലത്തിന്റെ കരുത്ത് നേരിൽ കാണാം! കടൽക്കാറ്റേറ്റ് ട്രെയിൻ യാത്ര നടത്താനുള്ള കാത്തിരിപ്പിന് അവസാനമാകുന്നു; ചിത്രങ്ങൾ കാണാം…

കടൽക്കാറ്റേറ്റ് ട്രെയിൻ യാത്ര നടത്താനുള്ള കാത്തിരിപ്പിന് അവസാനമാകുന്നു. പുതിയ പാമ്പൻ പാലം അധികം വൈകാതെ യാത്രയ്‌ക്കായി തുറക്കും. പുതിയ പാമ്പൻ പാലത്തിന്റെ ദൃശ്യങ്ങൾ കേന്ദ്ര റെയിൽവേ മന്ത്രി അശ്വനി വൈഷ്ണവ് എക്സിൽ പങ്കുവെച്ചിട്ടുണ്ട്. വേഗതയ്‌ക്കും സുരക്ഷയ്‌ക്കും പ്രാധാന്യം നൽകി കൊണ്ട് നൂതന രീതിയിൽ രൂപകൽപ്പന ചെയ്ത പാലം ആധുനിക എഞ്ചിനിയറിം​ഗ് വിസ്മയമെന്നാണ് മന്ത്രി വിശേഷിപ്പിച്ചത്.പാമ്പൻ പാലം ഇന്ത്യയിലെ അഞ്ച് കടൽ പാലങ്ങളിൽ ഒന്നാണ്. തമിഴ്‌നാട്ടിലെ രാമനാഥപുരം ജില്ലയുടെ ഭാഗമായിട്ടുള്ള പാമ്പൻ ദ്വീപിനെ പ്രധാന കരയുമായി ബന്ധിപ്പിക്കുന്ന ഏക പാലമാണിത്.

വ്യാപാരത്തിനു വേണ്ടി ധനുഷ്കോടിയേയും ശ്രീലങ്കയേയും ബന്ധിപ്പിക്കാൻ വേണ്ടിയായിരുന്നു 1914ൽ പാക് കടലിടുക്കിനു കുറുകെയായി ബ്രിട്ടീഷുകാർ പഴയ പാലം പണിയിച്ചത്. കപ്പലുകൾ വരുമ്പോൾ തുറക്കാനും അടയ്‌ക്കാനുമാണ് പാലം രൂപകൽപ്പന ചെയ്തിരിക്കുന്നത്.

നീലിമയാർന്ന കടലിന്റെ പശ്ചാത്തലത്തിൽ ഈ പാമ്പൻ പാലത്തിന് മുകളിലൂടെ കടന്നുപോകുന്ന തീവണ്ടിയുടെ സൗന്ദര്യം കാണാൻ വിദേശ രാജ്യങ്ങളിൽ നിന്നും മറ്റു സംസ്ഥാനങ്ങളിൽ നിന്നും ധാരാളം ആളുകൾ രാമേശ്വരത്ത് എത്തിയിരുന്നു.

അതിനിടെ നൂറ്റാണ്ട് പഴക്കമുള്ള പാലത്തിൽ ചില അറ്റകുറ്റപ്പണികൾ നടന്നിരുന്നു. ഈ സാഹചര്യത്തിലാണ് 5 വർഷം മുമ്പ് പാമ്പൻ പാലത്തിന് നടുവിൽ ഒരു കപ്പൽ കൂട്ടിയിടിച്ചത്. ഇതുമൂലം മാസങ്ങളോളം ട്രെയിൻ ഗതാഗതം നിലച്ചു. ഈ പഴയ പാലത്തിന് പകരം പുതിയ പാലം നിർമിക്കാൻ കേന്ദ്രസർക്കാർ അനുമതി നൽകി. ഇതിന് ശേഷം 2019 നവംബർ മാസത്തിൽ പ്രധാനമന്ത്രി നരേന്ദ്ര മോദിയാണ് പുതിയ പാലത്തിന് തറക്കല്ലിട്ടത്. അതിനിടയിൽ പൊട്ടിപ്പുറപ്പെട്ട കൊറോണ വൈറസ് ബാധയെത്തുടർന്ന് പണികൾ തടസ്സപ്പെട്ടു.

പഴയ റെയിൽവേ പാലത്തിലൂടെയുള്ള ട്രെയിൻ ഗതാഗതം നിലച്ചപ്പോൾ വൻകരയിലെ “മണ്ഡപം” വരെ മാത്രമാണ് ട്രെയിൻ സർവീസ് നടത്തി വന്നത്. ഇതുമൂലം രാമേശ്വരത്തേക്കുള്ള വിനോദസഞ്ചാരികൾ ബുദ്ധിമുട്ടിലായി. ലംബമായി തുറക്കുകയും അടയ്‌ക്കുകയും (വെർട്ടിക്കൽ ലിഫ്റ്റ്) ചെയ്യുന്ന രാജ്യത്തെ ആദ്യത്തെ പാലമാണ് പാമ്പൻ പാലം.

4/ 🏗️ Engineering brilliance
Stretching over 2.05 km, the bridge is built at a cost of ₹535 crores by Rail Vikas Nigam Limited (RVNL). It’s designed to handle faster trains and increased traffic.
🚄 100 spans, of which 99 are 18.3m long
🚄 A 73m navigational span for marine… pic.twitter.com/PshQQNFYim

— Ashwini Vaishnaw (@AshwiniVaishnaw) November 29, 2024

550 കോടിയിലധികം രൂപ ചെലവിട്ടാണ് പുതിയ പാമ്പൻ പാലം നിർമ്മിച്ചിരിക്കുന്നത്. പാലത്തിന് സമുദ്രനിരപ്പിൽ നിന്ന് 22 മീറ്റർ എയർ ക്ലിയറൻസ് ഉണ്ട്, പഴയ പാലത്തിൽ 19 മീറ്ററായിരുന്നു ക്ലിയറൻസ്. പുതിയ പാമ്പൻ പാലത്തിൽ ലിഫ്റ്റ് സ്പാൻ സംവിധാനം പൂർത്തിയാക്കിയതിന് ശേഷം ദക്ഷിണ റെയിൽവേ വിജയകരമായി ട്രയൽ റൺ നടത്തിയിരുന്നു.