ഇന്ത്യൻ നാവികസേനയുടെ പങ്കിനെയും നേട്ടങ്ങളെയും ആദരിക്കുന്നതിനായാണ് എല്ലാവർഷവും രാജ്യം ഡിസംബർ നാലിന് നാവികസേനാ ദിനമായി ആചരിക്കുന്നത്. 53-ാമത് നാവികസേന ദിനത്തിൽ ആശംസകളറിയിക്കുകയാണ് പ്രധാനമന്ത്രി നരേന്ദ്ര മോദി. സമാനതകളില്ലാത്ത ധൈര്യത്തോടെയും അർപ്പണബോധത്തോടെയും സമുദ്രാതിർത്തിയിൽ സുരക്ഷ ഉറപ്പാക്കുന്ന നാവികസേനയിലെ ധീരരെ അഭിവാദ്യം ചെയ്യുന്നുവെന്ന് അദ്ദേഹം എക്സിൽ കുറിച്ചു.
On Navy Day, we salute the valiant personnel of the Indian Navy who protect our seas with unmatched courage and dedication. Their commitment ensures the safety, security and prosperity of our nation. We also take great pride in India’s rich maritime history. pic.twitter.com/rUrgfqnIWs
— Narendra Modi (@narendramodi) December 4, 2024
അവരുടെ പ്രതിബദ്ധതയാണ് സുരക്ഷയും, സമൃദ്ധിയും ഉറപ്പാക്കുന്നത്. ഇന്ത്യയുടെ സമ്പന്നമായ സമുദ്ര ചരിത്രത്തിൽ അഭിമാനം കൊള്ളുന്നുെവന്നും പ്രധാനമന്ത്രി എക്സിൽ കുറിച്ചു. 1971-ലെ ഇന്ത്യ- പാക് യുദ്ധത്തിൽ പാക് നാവികസേനയ്ക്കെതിരെ ‘ഓപ്പറേഷൻ ട്രൈഡന്റ്’ എന്ന സൈനികാക്രമണം നടത്തിയത്തിന്റെ സ്മരണയ്ക്കായാണ് നാവികസേനാ ദിനം ആചരിക്കുന്നത്.
കേന്ദ്ര ആഭ്യന്തര മന്ത്രി അമിത് ഷായും നാവികസേന ദിനത്തിൽ ആശംസകൾ അറിയിച്ചു. നാവികസേനയുടെ പോരാട്ട വീര്യത്തെ അനുസ്മരിപ്പിക്കുന്ന ദിനമാണ് ഇന്ന്. രാജ്യത്തിനായി ജീവൻ ബലിയർപ്പിച്ച അനശ്വര രക്തസാക്ഷികൾക്ക് പ്രണാമം അർപ്പിക്കുന്നുവെന്ന് അമിത് ഷാ എക്സിൽ കുറിച്ചു.
Greetings to the personnel of the Indian Navy on Navy Day.
This is an occasion that commemorates the staggering combat prowess of our navy as well as honors the multidimensional role it plays by reinforcing our foreign relations through guarding the maritime routes and providing… pic.twitter.com/8ODyuAUMRf
— Amit Shah (@AmitShah) December 4, 2024
ഇന്ത്യൻ സുരക്ഷാ സംവിധാനങ്ങളിൽ ഒഴിച്ചുകൂടാനാകത്തതാണ് സമുദ്ര സുരക്ഷയും നാവികസേനയുമെന്ന് പ്രതിരോധ മന്ത്രി രാജ്നാഥ് സിംഗ് പറഞ്ഞു.
As the country celebrates the Navy Day today, I extend my greetings and warm wishes to all Indian Navy personnel and their families.
The Indian Navy is an important pillar in the national security architecture, safeguarding India’s Maritime Security. Our Navy plays a pivotal… pic.twitter.com/7dEIIxKmBF
— Rajnath Singh (@rajnathsingh) December 4, 2024
വലിപ്പത്തിൽ ലോകത്തിലെ നാലാം സ്ഥാനത്താണ് ഇന്ത്യൻ നാവിക സേന. കമാൻഡർ-ഇൻ-ചീഫ് എന്ന നിലയിൽ ഇന്ത്യൻ രാഷ്ട്രപതി നയിക്കുന്ന ഇന്ത്യൻ സായുധ സേനയുടെ നാവിക ശാഖയാണ് ഇന്ത്യൻ നേവി. അഡ്മിറൽ ആണ് നാവിക സേനയുടെ എല്ലാ പ്രവർത്തനങ്ങളെയും നിയന്ത്രിക്കുന്നത്. ന്യൂഡൽഹിയിലാണ് നാവിക സേനയുടെ ആസ്ഥാനം. മൂന്ന് പ്രാദേശിക നിയന്ത്രണ കേന്ദ്രങ്ങൾ (റീജിയണൽ കമ്മാൻഡുകൾ) ഉള്ള ഇന്ത്യയുടെ നാവിക സേനയിൽ 55,000 ഓളം അംഗങ്ങളുണ്ട്.
