മാർക്ക് കുറഞ്ഞെങ്കിൽ നിരാശ വേണ്ട, കേവലമൊരു പരീക്ഷയില്ല നിങ്ങളെ നിർവചിക്കുന്നത്,മഹത്തായ കാര്യങ്ങൾ വരാനിരിക്കുന്നു: വിദ്യാർഥികളോട് പ്രധാനമന്ത്രി

ന്യൂ ഡൽഹി : സിബി എസ് ഇ പരീക്ഷകളുടെ ഫലം പ്രഖ്യാപിച്ചതിനു പിന്നാലെ വിദ്യാർത്ഥികളെ അഭിനന്ദിച്ചു കൊണ്ട് പ്രധാനമന്ത്രി നരേന്ദ്ര മോദി തന്റെ ഔദ്യോഗിക എക്സ് ഹാൻഡിലിലെ പോസ്റ്റിലാണ് വിദ്യാർത്ഥികളെ അഭിനന്ദിച്ചത്. വിദ്യാർത്ഥികളുടെ ദൃഢനിശ്ചയം, കഠിനാധ്വാനം, അച്ചടക്കം എന്നിവയെക്കുറിച്ച് പ്രധാനമന്ത്രി മോദി പരാമർശിച്ചു. ഈ നേട്ടം കൈവരിക്കാൻ വിദ്യാർത്ഥികളെ സഹായിച്ച മാതാപിതാക്കൾ, അധ്യാപകർ, മറ്റുള്ളവർ എന്നിവരെയും അദ്ദേഹം അഭിനന്ദിച്ചു.

.”പ്രിയപ്പെട്ട #ExamWarriors, CBSE XII, X ക്ലാസ് പരീക്ഷകളിൽ വിജയിച്ച എല്ലാവർക്കും ഹൃദയം നിറഞ്ഞ അഭിനന്ദനങ്ങൾ ! ഇത് നിങ്ങളുടെ ദൃഢനിശ്ചയത്തിന്റെയും, അച്ചടക്കത്തിന്റെയും, കഠിനാധ്വാനത്തിന്റെയും ഫലമാണ്. ഈ നേട്ടത്തിന് സംഭാവന നൽകിയ മാതാപിതാക്കൾ, അധ്യാപകർ, മറ്റുള്ളവർ എന്നിവരുടെ പങ്കിനെ അംഗീകരിക്കേണ്ട ദിവസം കൂടിയാണ് ഇന്ന്. പരീക്ഷാ യോദ്ധാക്കൾക്ക്, മുന്നിലുള്ള എല്ലാ അവസരങ്ങളിലും മികച്ച വിജയം ആശംസിക്കുന്നു!”, പ്രധാനമന്ത്രി മോദിയുടെ ‘X’ പോസ്റ്റിൽ പറയുന്നു.

Dear #ExamWarriors,

Heartiest congratulations to everyone who has cleared the CBSE Class XII and X examinations! This is the outcome of your determination, discipline and hard work. Today is also a day to acknowledge the role played by parents, teachers and all others who have…

— Narendra Modi (@narendramodi) May 13, 2025

പ്രതീക്ഷിച്ച വിജയം നേടാനാകാത്ത വിദ്യാർത്ഥികൾക്കായി പ്രധാനമന്ത്രി നരേന്ദ്ര മോദി മറ്റൊരു പ്രത്യേക സന്ദേശം പങ്കുവെച്ചു. ഒരു പരീക്ഷ അവരുടെ മൂല്യത്തെയോ ഭാവിയെയോ നിർവചിക്കുന്നില്ലെന്ന് അദ്ദേഹം അവരെ ഓർമ്മിപ്പിച്ചു. അവരുടെ യാത്ര ഒരു മാർക്ക് ഷീറ്റിനേക്കാൾ വളരെ വലുതാണെന്നും അവരുടെ കഴിവുകളും ശക്തികളും പരീക്ഷാ സ്കോറുകൾക്കപ്പുറമാണെന്നും അദ്ദേഹം ഊന്നിപ്പറഞ്ഞു. ആത്മവിശ്വാസവും ജിജ്ഞാസയും നിലനിർത്താൻ അദ്ദേഹം വിദ്യാർത്ഥികളെ പ്രോത്സാഹിപ്പിച്ചു, നിരവധി ആവേശകരമായ അവസരങ്ങൾ മുന്നിലുണ്ടെന്ന് അവർക്ക് ഉറപ്പ് നൽകി.

To those who feel slightly dejected at their scores, I want to tell them: one exam can never define you. Your journey is much bigger and your strengths go far beyond the mark sheet. Stay confident, stay curious because great things await. #ExamWarriors

— Narendra Modi (@narendramodi) May 13, 2025

“സ്കോറുകളിൽ അല്പം നിരാശ തോന്നുന്നവരോട് ഞാൻ പറയട്ടെ: ഒരു പരീക്ഷയ്‌ക്ക് ഒരിക്കലും നിങ്ങളെ നിർവചിക്കാൻ കഴിയില്ല. നിങ്ങളുടെ യാത്ര വളരെ വലുതാണ്, നിങ്ങളുടെ ശക്തികൾ മാർക്ക് ഷീറ്റിനപ്പുറത്തേക്ക് പോകുന്നു. ആത്മവിശ്വാസത്തോടെയിരിക്കുക, ജിജ്ഞാസയോടെയിരിക്കുക, കാരണം വലിയ കാര്യങ്ങൾ കാത്തിരിക്കുന്നു.” നരേന്ദ്ര മോദി പറഞ്ഞു .