ഇന്ത്യക്ക് തിരിച്ചടി, പരിക്കേറ്റ് കളം വിട്ട് പന്ത്! ലോർഡ്സിൽ “റൂട്ടിലായി” ഇം​ഗ്ലണ്ട്

ലോർഡ്സിലെ മൂന്നാം ടെസ്റ്റിൽ തുടക്കത്തിലെ പതർച്ചയ്‌ക്ക് ശേഷം കരകയറി ഇം​ഗ്ലണ്ട്. 172/3 എന്ന നിലയിലാണ് ആതിഥേയർ. 44/2 എന്ന നിലയിൽ തകർച്ചയെ നേരിട്ട ഇം​ഗ്ലണ്ടിനെ 109 റൺസ് ചേർത്ത് റൂട്ട് -പോപ്പ് സഖ്യമാണ് കരകയറ്റിയത്. ഇതിനിടെ വിക്കറ്റ് കീപ്പർ റിഷഭ് പന്തിന് പരിക്കേറ്റത് ഇന്ത്യക്ക് തിരിച്ചടിയായി. ഇടത് കൈക്ക് പരിക്കേറ്റ താരം കളംവിട്ടതോടെ ധ്രുവ് ജുറേൽ ചുമതലയേറ്റെടുത്തു.

34-ാം ഓവറിലായിരുന്നു സംഭവം. ബുമ്രയുടെ ലെ​ഗ് സൈഡ് ഡെലിവറി തടയാൻ ശ്രമിക്കുന്നതിനിടെയാണ് താരത്തിന് കൈവിരലിൽ പരിക്കേറ്റത്. ഇതോടെ ഡ​ഗൗട്ടിൽ നിന്നുള്ള മെഡിക്കൽ സംഘം താരത്തിന് പ്രാഥമിക ചികിത്സ നൽകിയെങ്കിലും വേദന മാറിയില്ല. ഇതോടെ പന്ത് ​ഗ്രൗണ്ട് വിടാൻ നിർബന്ധിതനാവുകയായിരുന്നു. രണ്ടു സെഞ്ച്വറിയടക്കം 342 റൺസാണ് പന്ത് പരമ്പരയിൽ നിന്ന് സ്വന്തമാക്കിയത്. ഇടം കൈയൻ ബാറ്ററുടെ ഫോമും ഫിറ്റ്നസും ഇന്ത്യക്ക് നിർണായകമാണ്.

അതേസമയം ഇം​ഗ്ലണ്ട് നിരയിൽ ജോ റൂട്ട് അർദ്ധ സെഞ്ച്വറി പിന്നിട്ടു. ഒലി പോപ്പ് 44 റൺസെടുത്ത് പുറത്തായി. ജഡേജയ്‌ക്കായിരുന്നു വിക്കറ്റ്. ഓപ്പണർമാരായ സാക് ക്രോളി(18), ബെൻ ഡക്കറ്റ്(23) സഖ്യത്തെ നിതീഷ് കുമാർ റെഡ്ഡിയാണ് പുറത്താക്കിയത്. റൂട്ടിനൊപ്പം 10 റൺസെടുത്ത ഹാരി ബ്രൂക്കാണ് ക്രീസിൽ( ഈ വാർത്ത നൽകും വരെയുള്ള വിവരങ്ങൾ)

Dhruv Jurel takes the gloves as Rishabh Pant goes off for treatment on his hand 🔃 pic.twitter.com/LGDgi34IN7

— Sky Sports Cricket (@SkyCricket) July 10, 2025