മാദ്ധ്യമപ്രവർത്തകയെ നോക്കി കണ്ണിറുക്കി പാക് സൈനിക വക്താവ്; വീഡിയോ പ്രചരിച്ചതോടെ വിവാദത്തിലായി

ഇസ്ലാമാബാദ്: മാദ്ധ്യമപ്രവർത്തകയോട് അപമര്യദയായി പെരുമാറി പാക് സൈനികവക്താവ്. ചോദ്യത്തിന് മറുപടി പറയുന്നതിനിടെ മദ്ധ്യമപ്രവർത്തകയെ കണ്ണിറുക്കി കാണിച്ചുവെന്നാണ് പരാതി. പാകിസ്ഥാന്റെ ഇന്റർ-സർവീസസ് പബ്ലിക് റിലേഷൻസ് ഡയറക്ടർ ജനറൽ ലെഫ്റ്റനന്റ് അഹമ്മദ് ഷരീഫ് ചൗധരിയാണ് വനിതാ റിപ്പോർട്ടറെ നോക്കി കണ്ണിറുക്കിയത്. ഇത് വൻ വിവാദങ്ങൾക്ക് വഴിവച്ചു. മുൻ പാക് പ്രധാനമന്ത്രി ഇമ്രാൻ ഖാനെ കുറിച്ചുള്ള ചോദ്യങ്ങൾക്കായിരുന്നു ഉദ്യോ​ഗസ്ഥന്റെ മറുപടി.

Pakistan’s Army’s DG ISPR winking at a female journalist after she questioned why they are being labelled as funded by Delhi.

Honestly, I am not even surprised.pic.twitter.com/FzA4SMgSM8

— Elite Predators (@elitepredatorss) December 9, 2025

ചോദ്യത്തിന് മറുപടി നൽകിയ ശേഷം കണ്ണിറുക്കി കാണിക്കുകയായിരുന്നു. ഇതിന്റെ വീഡിയോ പുറത്തുവന്നതിന് പിന്നാലെ വൻ തോതിൽ വിമർശനങ്ങളാണ് ഉയരുന്നത്. ഇമ്രാൻ ഖാന്റെ ആരോ​ഗ്യാവസ്ഥയെ കുറിച്ചാണ് മാദ്ധ്യമപ്രവർത്തക ചോദിച്ചത്.

ഇമ്രാൻ ഖാനെ അധിക്ഷേപിക്കുന്ന തരത്തിലായിരുന്നു ഉദ്യോ​ഗസ്ഥന്റെ പ്രതികരണം. ഖാനെ തന്നിഷ്ടക്കാരനെന്ന് വിശേഷിപ്പിച്ച ഷെരീഫ് ചൗധരി, ഇയാളെ ജയിലിൽ സന്ദർശിക്കുന്നവർ സൈന്യത്തിനെതിരെ വിഷം പരത്തുന്നുവെന്നും ആരോപിച്ചു.