ബീജിംഗ്: ലാറ്റിനമേരിക്കൻ രാജ്യമായ വെനസ്വേലയിൽ അമേരിക്ക നടത്തിയ ആക്രമണത്തിനെതിരെ ചൈന രംഗത്ത്. അമേരിക്ക അനധികൃതമായി തട്ടിക്കൊണ്ടു പോയ വെനസ്വേലൻ പ്രസിഡന്റ് നിക്കോളാസ് മഡുറോയെയും ഭാര്യ സെലിയയെയും ഉടൻ മോചിപ്പിക്കണമെന്ന് ചൈന അമേരിക്കയോട് ആവശ്യപ്പെട്ടു.
വെനസ്വേലൻ പ്രസിഡന്റ് നിക്കോളാസ് മഡുറോയെയും ഭാര്യ സെലിയയെയും അറസ്റ്റ് ചെയ്ത് നാടുകടത്തിയ അമേരിക്കയുടെ നടപടി അങ്ങേയറ്റം ആശങ്കാജനകമാണെന്ന് ചൈനീസ് വിദേശകാര്യ മന്ത്രാലയം പുറത്തിറക്കിയ പ്രസ്താവനയിൽ പറഞ്ഞു. അമേരിക്കയുടെ ഈ നടപടി അന്താരാഷ്ട്ര നിയമം, യുഎൻ നിയമങ്ങൾ, അന്താരാഷ്ട്ര ബന്ധങ്ങൾ എന്നിവയെ ലംഘിക്കുന്നു. നിക്കോളാസ് മഡുറോയെയും ഭാര്യ സെലിയയെയും അമേരിക്ക ഉടൻ മോചിപ്പിക്കണം. ചർച്ചയിലൂടെ പ്രശ്നം പരിഹരിക്കണമെന്ന് പ്രസ്താവനയിൽ പറയുന്നു
അതേസമയം, ഇന്നലെ (ശനി, 3-ാം തീയതി) പുലർച്ചെയാണ് വെനസ്വേലയിൽ അമേരിക്ക അപ്രതീക്ഷിത അധിനിവേശം നടത്തിയത്. വെനസ്വേലൻ പ്രസിഡന്റിന്റെ കൊട്ടാരത്തിൽ പ്രവേശിച്ച യുഎസ് സൈന്യം വെനിസ്വേലൻ പ്രസിഡന്റ് നിക്കോളാസ് മഡുറോയെയും ഭാര്യ സിലിയ അദീല ഫ്ലോറിസിനെയും തട്ടിക്കൊണ്ടു പോയ ശേഷം അറസ്റ്റ് ചെയ്തതായി പറഞ്ഞു. രണ്ടുപേരെയും അമേരിക്കയിലേക്ക് നാടുകടത്തിയ ശേഷം ഇരുവരെയും ന്യൂയോർക്ക് ജയിലിലടച്ചു.
