തിരുവനന്തപുരം: കേരളത്തില്‍ ലൗ ജിഹാദ് നടക്കുന്നുണ്ടെന്നും എന്നാല്‍ സര്‍ക്കാര്‍ ഇതിന് നേരെ കണ്ണടയ്‌ക്കുകയാണെന്നും മുന്‍ ഡിജിപിയും വട്ടിയൂര്‍ക്കാവ് മണ്ഡലത്തിലെ ബിജെപി സ്ഥാനാര്‍ത്ഥിയുമായ ആര്‍. ശ്രീലേഖ. സംസ്ഥാനത്ത് സ്ത്രീസുരക്ഷ ഇല്ലാതാകാന്‍ കാരണം സര്‍ക്കാരിന്റെ ഇത്തരത്തിലുള്ള നിലപാടുകളാണെന്നും അവര്‍ കുറ്റപ്പെടുത്തി.
ലൗ ജിഹാദ് പോലുള്ള വിഷയങ്ങളില്‍ സര്‍ക്കാര്‍ നടപടിയെടുക്കുന്നില്ല. അടുത്തിടെ ഒരു മന്ത്രിയുടെ ഭാര്യ സ്വന്തം വീട്ടില്‍ പൂട്ടിയിടപ്പെട്ട സംഭവത്തില്‍ പരാതി സെല്ലില്‍ വിളിച്ചിട്ടുപോലും ഫലമുണ്ടായില്ലെന്ന് അവര്‍ ചൂണ്ടിക്കാട്ടി. ഉന്നത പോലീസ് ഉദ്യോഗസ്ഥയായിരുന്ന തനിക്ക് ദുരനുഭവങ്ങള്‍ ഉണ്ടായപ്പോള്‍ ഡിജിപി പോലും കൂടെ നിന്നില്ല. രാഷ്‌ട്രീയ അനുമതിയില്ലാതെ ഡിജിപിക്ക് പോലും സ്വതന്ത്രമായി പ്രവര്‍ത്തിക്കാന്‍ കഴിയാത്ത അവസ്ഥയാണെന്നും ശ്രീലേഖ പറഞ്ഞു.
സ്ത്രീസുരക്ഷയെക്കുറിച്ച് വാചാലമാകുന്നവര്‍ സ്വന്തം ഉദ്യോഗസ്ഥര്‍ക്കും മന്ത്രിമാരുടെ കുടുംബാംഗങ്ങള്‍ക്കും പോലും സുരക്ഷ ഉറപ്പാക്കാന്‍ കഴിയാത്ത അവസ്ഥയിലാണെന്ന് ആര്‍. ശ്രീലേഖ പരിഹസിച്ചു.
