കാണ്പൂര്: നെറ്റിയില് സിന്ദൂരം ചാര്ത്തി സ്കൂളിലെത്തിയ ആറാം ക്ലാസ് വിദ്യാര്ത്ഥിയെ മര്ദ്ദിച്ച അധ്യാപികയ്ക്കെതിരെ നടപടി. ഉത്തര്പ്രദേശിലെ മദര് തെരേസ ഹയര് സെക്കന്ഡറി സ്കൂളിലെ അധ്യാപികയായ ഹിബ ഫാത്തിമയെയാണ് മാനേജ്മെന്റ് ജോലിയില് നിന്ന് പിരിച്ചുവിട്ടത്. കുട്ടി ധരിച്ചിരുന്ന സിന്ദൂരം ബലം പ്രയോഗിച്ച് തുടച്ചുമാറ്റുകയും അധ്യാപിക ക്രൂരമായി മര്ദ്ദിക്കുകയുമായിരുന്നു.
സ്കൂളില് നടന്ന സംഭവം കുട്ടി വീട്ടിലറിയിച്ചതോടെയാണ് വിവരം പുറംലോകമറിഞ്ഞത്. രക്ഷിതാക്കള് നല്കിയ പരാതിയുടെ അടിസ്ഥാനത്തില് എബിവിപി പ്രവര്ത്തകര് സ്കൂളില് പ്രതിഷേധവുമായി എത്തുകയും സംഘര്ഷാവസ്ഥ ഉടലെടുക്കുകയും ചെയ്തു. തുടര്ന്ന് പൊലീസിന്റെ സാന്നിധ്യത്തില് സ്കൂള് അധികൃതരും പ്രതിഷേധക്കാരുമായി നടത്തിയ ചര്ച്ചയെത്തുടര്ന്നാണ് അധ്യാപികയെ പുറത്താക്കാന് തീരുമാനിച്ചത്.
മതപരമായ ചിഹ്നങ്ങളുടെ പേരില് വിദ്യാര്ത്ഥികളെ വേര്തിരിക്കാനോ ഉപദ്രവിക്കാനോ പാടില്ലെന്നും സനാതന സംസ്കാരത്തിന്റെ ഭാഗമായ സിന്ദൂരം ധരിച്ചതിന് കുട്ടിയെ മര്ദ്ദിച്ചത് അംഗീകരിക്കാനാവില്ലെന്നും എബിവിപി സിറ്റി സെക്രട്ടറി സുധാന്ഷു ത്രിപാഠി പ്രതികരിച്ചു. സംഭവത്തില് പൊലീസ് അന്വേഷണം തുടരുകയാണ്.
