കൊല്ക്കൊത്ത: കൊറോണ ലോക്ഡൗണ് ഇന്ത്യയുടെ പുണ്യനദിയായ ഗംഗയെ മാത്രമല്ല അതൊഴുകിയിരുന്ന എല്ലാ നഗരങ്ങളേയും സ്നാനഘട്ടങ്ങളേയും ശുദ്ധീകരിച്ചുകഴിഞ്ഞു. ഗംഗ ശക്തമായി ഒഴുകുമ്പോഴും ഒരിക്കല് ഗംഗയുടെ മടിത്തട്ടില് കളിച്ചു തിമിര്ത്തവര്ക്ക് മനു ഷ്യരുടെ ആരവം എന്നും ജീവന് ഭീഷണിയായിരുന്നു. എന്നന്നേക്കുമായി ഗംഗയുടെ കാളീഘട്ട തീരങ്ങളെ വിട്ടൊഴിഞ്ഞ ഒരു കൂട്ടരാണ് തിരികെ എത്തിയിരിക്കുന്നത്. ഒരിക്കലും പ്രതീക്ഷി ക്കാത്ത തെളിമയോടെ ഗംഗ അവരെ വരവേറ്റു. മറ്റാരുമല്ല മത്സ്യവര്ഗ്ഗത്തിലെ ഏറെ പ്രശസ്തരായ ഗംഗാറ്റിക് ഡോള്ഫിനുകളാണവര്.
ഗംഗയുടെ ഓളങ്ങളില് നിന്നും കുതിച്ച് ഉയര്ന്ന് വായുവില് കൂടി നീങ്ങി വീണ്ടു ഗംഗയുടെ അടിയിലേക്ക്. പുണ്യ ഗംഗയുടെ അവകാശികളിലൊരുവരായ ഈ ഡോള്ഫിന് കൂട്ടങ്ങളെ കാണാന് അത്യാര്ത്തി മൂത്ത മനുഷ്യരില്ല എന്ന പ്രത്യേക മാത്രം വേറിട്ടു നില്ക്കുന്നു. ആകെ 1800ല് താഴെ മാത്രമായി അവശേഷിക്കുന്ന ഗംഗാറ്റിക് ഡോള്ഫിനുകള്ക്ക് ശുദ്ധജലത്തില് മാത്രമേ കഴിയാനാകൂ എന്നതില് നിന്നും ഗംഗ വീണ്ടും നഗരമാലിന്യങ്ങളില് നിന്നും ഏറെ മുക്തിനേടിയെന്ന് പ്രദേശവാസികളായവര് സാക്ഷ്യപ്പെടുത്തുന്നു.
