ലണ്ടന്‍: ഇംഗ്ലീഷ് പ്രീമിയര്‍ ലീഗിലെ ആദ്യമത്സരത്തില്‍ ടോട്ടനത്തിന്് മികച്ച ജയം. വെസ്റ്റ്ഹാമിനെതിരെ 2-0നാണ് ടോട്ടനം ജയം നേടിയത്. മുന്‍നിര സൂപ്പര്‍താരം ഹാരീ കെയിനിന്റെ മികവിലാണ് ടോട്ടനം ജയം കൈക്കലാക്കിയത്. സീസണിലെ തന്റെ 18-ാം ഗോളാണ് ഹാരീ കെയിന്‍ നേടിയത്. വെസ്റ്റ് ഹാമിനെതിരായ ഗോളോടുകൂടി ലീഗില്‍ 137 ഗോളുകള്‍ കെയിന്‍ നേടിക്കഴിഞ്ഞു.
കളിയുടെ ആദ്യപകുതിയില്‍ വെസ്റ്റ്ഹാം താരങ്ങള്‍ ടോട്ടനത്തെ അവരുടെ സ്‌റ്റേഡിയത്തില്‍ ഗോളടിക്കാന്‍ അനുവദിച്ചില്ല. പ്രതിരോധം കടുത്തതോടെ നിരന്തരം ആക്രമിച്ചു കളിച്ച രണ്ടാം പകുതിയില്‍ ടോട്ടനത്തിന് വെസ്റ്റ്ഹാം ഗോള്‍ സമ്മാനിക്കുകയായിരുന്നു. സോസുകിന്റെ സ്വന്തം ഗോളിലാണ് ടോട്ടനം 63-ാം മിനിറ്റില്‍ മു്ന്നിലെത്തിയത്. തുടര്‍ന്ന് ജയം ആധികാരികമാക്കിക്കൊണ്ട് ഹാരീ കെയിന്‍ 82-ാം മിനിറ്റില്‍ ടോട്ടനത്തിനായി രണ്ടാം ഗോള്‍ നേടി.
ക്ലബ്ബിനായി തന്റെ 200-ാം മത്സരമാണ് ഇന്നലെ കെയിന്‍ പൂര്‍ത്തിയാക്കിയത്. 200 ഗോളുകള്‍ നേടണമെന്നാണ് കെയിനിന്റെ ആഗ്രഹം. വെയന്‍ റൂണിയും അലന്‍ ഷിയററുമാണ് പ്രീമിയര്‍ ലീഗില്‍ 200 ഗോളുകള്‍ അടിച്ച മുന്‍ താരങ്ങള്‍. 200 മത്സരങ്ങളിലായി 138 ഗോളുകളടിച്ച മാഞ്ചസ്റ്റര്‍ സിറ്റിയുടെ സെര്‍ജീ അഗ്യൂറോയാണ് പ്രീമിയര്‍ ലീഗിലെ നിലവിലെ പ്രധാനതാരം. 200 പന്തില്‍ 131 ഗോളുകള്‍ നേടിയ മുന്‍ ആഴ്‌സണല്‍ താരം തിയറി ഹെന്റിയേക്കാള്‍ വേഗതയിലാണ് കെയിന്‍ എത്തിനില്‍ക്കുന്നത്. ഇന്നലെ നടന്ന രണ്ടാം മത്സരത്തില്‍ ലെസ്റ്റര്‍ ബ്രൈറ്റണിനെതിരെ ഗോള്‍രഹിത സമനിലയില്‍ പിരിഞ്ഞു. പോയിന്റ് നിലയില്‍ മൂന്നാം സ്ഥാനത്ത് സിറ്റിക്ക് പുറകിലായുള്ള മികച്ച ടീമാണ് ലെസ്റ്റര്‍.
