ലണ്ടന്‍: ഇംഗ്ലീഷ് പ്രീമിയര്‍ ലീഗ് പുതിയ സീസണില്‍ ആദ്യ ജയം ആഘോഷമാക്കി ആഴ്‌സണല്‍. ഫുള്‍ഹാമിനെ എതിരില്ലാത്ത മൂന്ന് ഗോളുകള്‍ക്കാണ് പീരങ്കിപ്പട തുരത്തിയത്. രണ്ടു പകുതികളിലും നിറഞ്ഞുകളിച്ചാണ് ആഴ്‌സണല്‍ തകര്‍പ്പന്‍ ജയം സ്വന്തമാക്കിയത്.
കളിയുടെ 8-ാം മിനിറ്റില്‍ അലക്‌സാേ്രന്ദ ലാകാസേറ്റേയാണ് ആദ്യഗോള്‍ നേടിയത്. ഗബ്രിയേല്‍ 49-ാം മിനിറ്റിലും പിയറീ എംറീക് 57-ാം മിനിറ്റിലും ഗോളുകള്‍ നേടി. മികച്ച 13 അവസരങ്ങളാണ് ആഴ്‌സണലിന് മുന്നില്‍ കിട്ടിയത്. ഇരുപകുതിയിലും ടീമുകള്‍ ഫൗളുകളും പരമാവധി ചെയ്തു. ഇരുടീമുകളിലേയും രണ്ടു താരങ്ങള്‍ വീതം മഞ്ഞകാര്‍ഡ് കാണേണ്ടിവന്നു. കഴിഞ്ഞ മാസം കമ്യൂണിറ്റി ഷീല്‍ഡ് കിരീടം ലീഗ് ചാമ്പ്യന്മാരായ ലിവര്‍പൂളിനെ തോല്‍പ്പിച്ച് നേടിയ ആവേശം ഇന്നത്തെ കളിയിലും ആഴ്‌സണല്‍ പുറത്തെടുത്തു. അടുത്ത കളി വെസ്റ്റ്ഹാമിനെതിരെയാണ്.
