വളരെ കുറച്ചു പേരെ മാത്രം പ്രചോദിപ്പിക്കുന്നവരും , ഒരു സമൂഹത്തെ മുഴുവനായും പ്രചോദിപ്പിക്കുന്നവരും ഉണ്ട് . രണ്ടാമത്തെ വിഭാഗത്തിൽ പെടുന്നവർ വളരെ വിരളമാണ് . എന്നാൽ അന്തരിച്ച മുൻ രാഷ്‌ട്രപതി ഡോക്ടർ എ പി ജെ അബ്ദുൽ കലാം രണ്ടാമത്തെ ഗണത്തിൽ പെടുന്ന അപൂർവ്വം ചില വ്യക്തികളിൽ ഒരാളായിരുന്നു . അദ്ദേഹം ഒരു ശാസ്ത്രജ്ഞനും ഉപരി ഒരദ്ധ്യാപകൻ കൂടിയായിരുന്നു .
ചിന്തയുടെയും അറിവിന്റെയും അതിനുമുകളിൽ ആത്മവിശ്വാസത്തിന്റെയും ശക്തിയിൽ വിശ്വസിക്കാൻ അദ്ദേഹം എന്നും യുവതലമുറയെ പ്രചോദിപ്പിക്കുമായിരുന്നു . ആളുകൾക്ക് അദ്ദേഹം പ്രിയങ്കരനായത് , ശാസ്ത്രലോകത്തിന് അദ്ദേഹം നൽകിയ സംഭാവനകൾ മാത്രം കൊണ്ടല്ല , മറിച്ച് അദ്ദേഹത്തിന്റെ സമാനതകൾ ഇല്ലാത്ത വ്യക്തിത്വത്തിലാണ് . ആളുകൾക്ക് പ്രചോദനമേകുന്ന ഒരുപാട് സവിശേഷതകൾക്ക് ഉടമയായിരുന്നു എ പി ജെ അബ്ദുൽ കലാം . അദ്ദേഹത്തിന്റെ ചില സവിശേഷതകൾ ഇവയൊക്കെയാണ്
1 . ജീവിതം പലപ്പോഴും നാം നിശ്ചയിക്കുന്ന രീതിയിൽ ആയിരിക്കുകയില്ല സഞ്ചരിക്കുന്നത് . ചില സമയങ്ങളിൽ അത് സ്വന്തം വഴി തിരഞ്ഞെടുക്കുകയും നാം അതുൾക്കൊള്ളേണ്ടതായും വരുന്നു . വിജയവും പരാജയവും ഒരു നാണയത്തിന്റെ ഇരുപുറം പോലെ തന്നെയാണ് ജീവിതത്തിലും . അതിനാൽ എന്തും നേരിടാൻ നാം എപ്പോഴും സജ്ജരായിരിക്കണം .
2 . അബ്ദുൽ കലാമിൽ നിന്നുൾക്കൊളേണ്ട മറ്റൊരു പാഠം , വ്യത്യസ്തമായി ചിന്തിക്കുവാനുള്ള ധൈര്യം ഉണ്ടാവുക എന്നതാണ് . ഇന്നത്തെ തലമുറ അവരുടെ കഴിവുകളും ചിന്താശക്തിയുമെല്ലാം ഒരു എഞ്ചിനീയറിംഗ് അല്ലെങ്കിൽ മെഡിക്കൽ സീറ്റ് ലഭിക്കുവാൻ വേണ്ടി ചിലവഴിക്കുന്നു . എന്നാൽ നമ്മുടെ ചിന്തകളെ ഒന്ന് വ്യതിചലിപ്പിച്ചു കൊണ്ട് വ്യത്യസ്തമായി ചിന്തിക്കുകയാണെങ്കിൽ , മറ്റുള്ളവരിൽ നിന്ന് എങ്ങിനെ വ്യത്യസ്തനാകാം എന്ന ആശയം ലഭിക്കുകയും , വ്യത്യസ്തമായ വഴി തിരഞ്ഞെടുക്കാനുള്ള ധൈര്യം ലഭിക്കുകയും ചെയ്യും .
3 . നിങ്ങൾ ഒരു രാജ്യത്തിൻറെ തലവൻ ആണെങ്കിൽ കൂടി വിനയം ഒരിക്കലും നഷ്ടപ്പെടുത്തരുത് എന്ന് ഡോക്ടർ എ പി ജെ അബ്ദുൽ കലാം പറഞ്ഞിരുന്നു . അഹംഭാവം പരാജയപെടുന്നിടത്ത് വിജയം കൈവരിക്കാൻ സഹായിക്കുന്ന ഒരു സവിശേഷ ഗുണമാണ് വിനയം .ഇന്ത്യയിലെ ഏറ്റവും പ്രഗത്ഭനായിരുന്ന എ പി ജെ അബ്ദുൾ കലാം സ്വന്തം ഭൂതകാലത്തെയോ രാജ്യത്തിന്റെ മഹത്തായ ചരിത്രത്തെയോ ഒരിക്കലും മറക്കാതിരുന്ന ഒരു രാജ്യസ്നേഹി ആയിരുന്നു .
4 . ഭാരതത്തെ കുറിച്ച് അബ്ദുൽ കലാമിന് മൂന്ന് ദർശനങ്ങൾ ആണുണ്ടായിരുന്നത് . ഒന്ന് സ്വതന്ത്ര്യം , രണ്ട് വികസനം , മൂന്ന് ഭാരതം ലോകത്തിനായി നിലകൊള്ളണം എന്നുള്ളതായിരുന്നു . ഈ ദർശനങ്ങൾ ഫലം കാണുവാൻ വേണ്ടി അദ്ദേഹം നടത്തിയിട്ടുള്ള പ്രവർത്തനങ്ങൾ ഒട്ടും തന്നെ കുറവല്ല . ലക്ഷ്യങ്ങൾ നേടിയെടുക്കുവാൻ കഠിനമായി പ്രവർത്തിക്കുകയും , എല്ലായ്‌പ്പോഴും സുനിശ്ചിതമായ നിലപാടുകളും ഉള്ള ഒരു വ്യക്തി കൂടി ആയിരുന്നു ഡോക്ടർ എ പി ജെ അബ്ദുൽ കലാം .
Comments