ലണ്ടന്: പ്രീമിയര് ലീഗില് മോശം പ്രകടനങ്ങളെ മറികടക്കാനൊരുങ്ങി മുന് ചാമ്പ്യന്മാര് ഇന്നിറങ്ങും. ചെല്സിയും മാഞ്ചസ്റ്റര് സിറ്റിയുമാണ് ആഴ്ചയിലെ രണ്ടാം പോരാട്ടത്തിന് ഇറങ്ങുന്നത്. ചെല്സി വൂള്വ്സിനെതിരേയും മാഞ്ചസ്റ്റര് സിറ്റി വെസ്റ്റ് ബ്രോമിനേയും നേരിടും. പട്ടികയില് ചെല്സി അഞ്ചാമതും മാഞ്ചസ്റ്റര് സിറ്റി ഒന്പതാം സ്ഥാനത്തുമാണ്.
ഞായറാഴ്ച നടന്ന മത്സരത്തില് ചെല്സിയെ എവര്ട്ടണ് ഏക ഗോളിന് തോല്പ്പിച്ചിരുന്നു. യുവേഫാ ചാമ്പ്യന്സ് ലീഗിലും സമനില കുരുക്കില്പ്പെട്ട ചെല്സി മികച്ച ജയം നേടാനുള്ള തയ്യാറെടുപ്പിലാണ്. മാഞ്ചസ്റ്റര് ടീമുകള് ഏറ്റുമുട്ടലിൽ ഗോള്രഹിത സമനിലയില് പിരിഞ്ഞതാണ് സിറ്റിക്ക് നിരാശ സമ്മാനിച്ചത്. കഴിഞ്ഞ ചാമ്പ്യന്സ് ലീഗ് പോരാട്ടത്തില് മാര്സെല്ലിയെ എതിരില്ലാത്ത മൂന്ന് ഗോളിന് തകര്ത്ത സിറ്റി ലീഗില് ഫുള്ഹാമിനെ 2-0ന് തോല്പ്പിച്ചിരുന്നു.
Comments