തിരുവനന്തപുരം : ജെഎൻയു പൂർവ്വ വിദ്യാർത്ഥിയും സിപിഐ നേതാവുമായ കനയ്യ കുമാർ കോൺഗ്രസിൽ ചേരാനൊരുങ്ങുന്നുവെന്ന വാർത്തകളെ പരിഹസിച്ച് ബിജെപി വക്താവ് സന്ദീപ് വാര്യർ. ഫേസ്ബുക്ക് കുറിപ്പിലൂടെയാണ് അദ്ദേഹം രംഗത്ത് വന്നത്. സിപിഐ എന്നൊരു പാർട്ടി ഇന്ത്യയിലുണ്ടെന്ന് ഓർമ്മപ്പെടുത്തുന്നതു തന്നെ കനയ്യയുടെ സാന്നിധ്യമാണെന്ന് സന്ദീപ് വാര്യർ പരിഹസിച്ചു.
കനയ്യ കോൺഗ്രസിലേക്ക് പോകുമോ ? പോകില്ലെന്നാണ് കാനം പറയുന്നത്. സിപിഐ എന്നൊരു പാർട്ടി ഇന്ത്യയിലുണ്ടെന്ന് ഓർമ്മപ്പെടുത്തുന്നതു തന്നെ കനയ്യയുടെ സാന്നിധ്യമാണ് . എന്നാൽ കോൺഗ്രസിനെ സംബന്ധിച്ചെടത്തോളം അതൊരു മികച്ച തീരുമാനമായിരിക്കും . രാഹുൽ ഗാന്ധിയുടെ അതേ ഐക്യു നിലവാരമുള്ള ഒരു നേതാവിനെ കൂടി കോൺഗ്രസിന് ലഭിക്കും . രണ്ടു പേരും പരിണിത പ്രജ്ഞ്ഞരാണ് , ദീർഘദർശികളും തത്വചിന്തകരുമാണ്. സർവ്വോപരി ജനകീയരും രാഷ്ട്രീയ വിശാരദരുമാണ് . മാത്രമല്ല രണ്ടു പേരും ബിജെപിയുടെ സ്റ്റാർ കാമ്പയിനേഴ്സുമാണ് . അതു കൊണ്ട് എത്രയും പെട്ടെന്ന് തന്നെ ആ ശുഭവാർത്ത കേൾക്കട്ടെ എന്നാഗ്രഹിക്കുന്നു.- സന്ദീപ് വാര്യർ ഫേസ്ബുക്കിൽ കുറിച്ചു.
കഴിഞ്ഞ കുറേ നാളുകളായി കനയ്യകുമാർ കോൺഗ്രസിൽ ചേരുമെന്ന ഊഹാപോഹങ്ങൾ ശക്തമായിരുന്നു. ഇതിനിടെയാണ് രാഹുൽഗാന്ധിയുമായി കനയ്യ കൂടിക്കാഴ്ച നടത്തിയത്.
Comments