ന്യൂഡൽഹി: കോൺഗ്രസ് പാർട്ടിയുടെ നേതൃത്വം ഒരു വ്യക്തിയുടെ ദൈവിക അവകാശമല്ലെന്ന് തിരഞ്ഞെടുപ്പ് തന്ത്രജ്ഞൻ പ്രശാന്ത് കിഷോർ. കഴിഞ്ഞ ദശകത്തിൽ ശതമാനത്തിലധികം തിരഞ്ഞെടുപ്പുകളിൽ പാർട്ടി 90 ശതമാനവും പരാജയപ്പെട്ടുവെന്നും അദ്ദേഹം പറഞ്ഞു. പശ്ചിമ ബംഗാൾ മുഖ്യമന്ത്രി മമത ബാനർജി രാഹുൽ ഗാന്ധിയുടെ നേതൃത്വത്തെ പരിഹസിച്ചതിന് തൊട്ടുപിന്നാലെയാണ് കിഷോറിന്റെ പരാമർശമെന്നത് ശ്രദ്ധേയമാണ്.
കോൺഗ്രസ് പ്രതിനിധീകരിക്കുന്ന ആശയവും സ്ഥലവും ശക്തമായ പ്രതിപക്ഷത്തിന് അത്യന്താപേക്ഷിതമാണ്. എന്നാൽ കോൺഗ്രസിന്റെ നേതൃത്വം ഒരു വ്യക്തിയുടെ ദൈവിക അവകാശമല്ല, പ്രത്യേകിച്ചും. കഴിഞ്ഞ 10 വർഷത്തിനിടെ 90 ശതമാനത്തിലധികം തെരഞ്ഞെടുപ്പുകളിലും പാർട്ടി പരാജയപ്പെട്ടു. പ്രതിപക്ഷ നേതൃത്വത്തെ ജനാധിപത്യപരമായി തീരുമാനിക്കട്ടെ പ്രശാന്ത് കിഷോർ ട്വീറ്റിൽ പറഞ്ഞു.
പകുതി സമയവും വിദേശത്തിരുന്ന് ആർക്കും രാഷ്‌ട്രീയം ചെയ്യാൻ കഴിയില്ലെന്ന് പറഞ്ഞുകൊണ്ട് ബാനർജി കോൺഗ്രസ് നേതാവിനെ പരിഹസിച്ചു. കഴിഞ്ഞ ദിവസം മുംബൈയിൽ എൻസിപി അധ്യക്ഷൻ ശരദ് പവാറുമായി കൂടിക്കാഴ്ച നടത്തിയ ബാനർജി യുപിഎ സംവിധാനം നിലവിൽ ഇല്ലെന്ന് അഭിപ്രായപ്പെട്ടു. അതിനു പിന്നാലെയാണ് പ്രശാന്ത് കിഷോറിന്റെ വിമർശനം.
ഒന്നും ചെയ്യാതെ പകുതി സമയം വിദേശത്താണെങ്കിൽ പിന്നെ എങ്ങനെ രാഷ്‌ട്രീയം ചെയ്യും? രാഷ്‌ട്രീയത്തിന് നിരന്തരമായ പരിശ്രമം ഉണ്ടായിരിക്കണം,’ ബാനർജി പറഞ്ഞു. ‘എന്താണ് യുപിഎ? ഇപ്പോൾ യുപിഎ ഇല്ല? എന്താണ് യുപിഎ? ഞങ്ങൾ എല്ലാ പ്രശ്‌നങ്ങളും പരിഹരിക്കും. ഞങ്ങൾക്ക് ശക്തമായ ബദൽ വേണം,’ അവർ പറഞ്ഞു.
അടുത്തിടെ ഡൽഹിയിലെത്തിയ ബാനർജി കോൺഗ്രസ് അധ്യക്ഷ സോണിയാ ഗാന്ധിയെ സന്ദർശിക്കേണ്ടതില്ലെന്ന് തീരുമാനിച്ചതിനെ തുടർന്ന് പ്രതിപക്ഷ നിരയിൽ വിളളൽ വീണിരുന്നു. മുൻ മുഖ്യമന്ത്രി മുകുൾ സാങ്മ ഉൾപ്പെടെ മേഘാലയയിലെ 12 കോൺഗ്രസ് നിയമസഭാംഗങ്ങൾ തൃണമൂൽ കോൺഗ്രസിലേക്ക് ചേക്കേറിയിരുന്നു.
