ന്യൂഡൽഹി: എട്ട് ദിവസത്തെ സന്ദർശനത്തിനായി മൗറീഷ്യസ് പ്രധാനമന്ത്രി പ്രവിന്ദ് കുമാർ ജുഗ്നൗത്ത് ഇന്ന് ഇന്ത്യയിലെത്തും. പത്നി കോബിത ജുഗ്നൗത്തിനോടൊപ്പമാണ് അദ്ദേഹം ഡൽഹിയിലെത്തുക. ഉന്നത-തല പ്രതിനിധി സംഘവും അദ്ദേഹത്തോടൊപ്പമുണ്ടാകും. പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ചാണ് മൗറീഷ്യസ് പ്രധാനമന്ത്രിയെത്തുന്നത്.
സന്ദർശന വേളയിൽ, ഗുജറാത്തിലെ ജാംനഗറിൽ ചൊവ്വാഴ്ച നടക്കുന്ന ലോകാരോഗ്യ സംഘടനയുടെ ചടങ്ങിലും ബുധനാഴ്ച ഗാന്ധിനഗറിൽ നടക്കുന്ന ഗ്ലോബൽ ആയുഷ് ഇൻവെസ്റ്റ്മെന്റ് ആൻഡ് ഇന്നോവേഷൻ ഉച്ചകോടിയിലും പ്രധാനമന്ത്രിയ്ക്കൊപ്പം ജുഗ്നാഥും പങ്കെടുക്കും. മൗറീഷ്യസിൽ നിന്നുള്ള സംഘം വാരാണസിയും സന്ദർശിക്കുമെന്ന് അറിയിച്ചിട്ടുണ്ട്.
മൗറീഷ്യസ് കാബിനറ്റ് സെക്രട്ടറി എൻ.കെ ബല്ലയുമായി വിദേശകാര്യ മന്ത്രി എസ് ജയശങ്കർ ന്യൂഡൽഹിയിൽ നടത്തിയ കൂടിക്കാഴ്ചയ്ക്ക് പിന്നാലെയാണ് മൗറീഷ്യസ് പ്രധാനമന്ത്രി ഇന്ത്യയിലെത്തുന്നത്.
Comments