ബംഗളൂരു: വാട്സാപ്പ് സ്റ്റാറ്റസിനെച്ചൊല്ലി കർണാടകയിലെ ജനങ്ങൾ തെരുവിലിറങ്ങിയ സംഭവത്തിൽ 40 പേരെ കസ്റ്റഡിയിലെടുത്ത് പോലീസ്. ഞായറാഴ്ച കർണ്ണാടകയിലെ ഹുബ്ബള്ളിയിൽ നടന്ന അക്രമ സംഭവങ്ങളുടെ പശ്ചാത്തലത്തിലാണിത്. അക്രമകാരികൾ നിരവധി പോലീസ് വാഹനങ്ങൾ തകർക്കുകയും കല്ലെറിയുകയും ചെയ്തിരുന്നു.
അക്രമത്തിൽ നാല് പോലീസുകാർ ഉൾപ്പെടെ നിരവധി ആളുകൾക്ക് പരുക്കേറ്റു. ഹുബ്ബള്ളിയിൽ നിരോധനാജ്ഞ പ്രഖ്യാപിച്ചിരിക്കുകയാണ്. വാട്സാപ്പ് സ്റ്റാറ്റസിൽ മോർഫ് ചെയ്ത ചിത്രം പങ്കുവച്ച അഭിഷേക് ഹിരേമതിനെ അറസ്റ്റ് ചെയ്യണമെന്നാവശ്യപ്പെട്ട് ഓൾഡ് ഹുബ്ബള്ളി പോലീസ് സ്റ്റേഷനു മുന്നിൽ ആളുകൾ പ്രതിഷേധം നടത്തിയിരുന്നു. ഈ പ്രതിഷേധം സംഘർഷത്തിൽ കലാശിക്കുകയായിരുന്നു.
പ്രതിഷേധത്തിനിടെ ഇവർ പോലീസ് വാഹനങ്ങൾക്ക് കേട് വരുത്തി. നിയമം കയ്യിലെടുക്കുന്നവർക്കെതിരെ ശക്തമായ നിയമനടപടി സ്വീകരിക്കുമെന്ന് മുഖ്യമന്ത്രി ബസവരാജ് ബൊമ്മൈ പറഞ്ഞു. ഇതിനിടെ അഭിഷേഖ് ഹിരേമതിനെ പോലീസ് അറസ്റ്റ് ചെയ്യുകയും ചെയ്തിരുന്നു.
Comments