കഴിഞ്ഞ ഏതാനും നാളുകളായി വാർത്തകളിൽ ഇടംപിടിക്കുകയും സമൂഹമാദ്ധ്യമങ്ങളിൽ തരംഗവുമാവുകയും ചെയ്ത വാഹനമാണ് ബുൾഡോസർ. കെട്ടിടങ്ങളും മറ്റും പൊളിക്കാനും മണ്ണ് മാന്താനും മാത്രമല്ല, ജീവൻ രക്ഷിക്കാനും ബുൾഡോസർ കൊണ്ട് സാധിക്കും. ഇക്കാര്യം വ്യക്തമാക്കുന്ന ഒരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലായിക്കൊണ്ടിരിക്കുന്നത്.
കനാലിലെ വെള്ളത്തിലൂടെ ഒഴുകി പോകുന്ന ഒരു നായക്കുട്ടിയെ ബുൾഡോസർ ഉപയോഗിച്ച് രക്ഷപ്പെടുത്തുന്നതാണ് വീഡിയോ ദൃശ്യങ്ങളിലുള്ളത്. നിർമാണത്തിലിരിക്കുന്ന ഒരു വ്യാവസായിക മേഖലയിലാണ് സംഭവം. അവിടുത്തെ തൊഴിലാളികൾ ചേർന്നാണ് തെരുവുനായയെ കനാലിൽ നിന്നും രക്ഷിക്കുന്നത്. വൈറൽഹോഗ് എന്ന പ്രൊഫൈലിൽ പോസ്റ്റ് ചെയ്ത വീഡിയോ യഥാർത്ഥത്തിൽ എവിടെ സംഭവിച്ചതാണെന്ന് വ്യക്തമല്ല.
A construction crews steps in to save a dog that fell into the irrigation canal. 🚧🐶💦 #viralhog #animalrescue #ecuador pic.twitter.com/ePhgP1dXfl
— ViralHog (@ViralHog) April 21, 2022
ഒന്നരമിനിറ്റ് ദൈർഘ്യമുള്ള വീഡിയോ രണ്ട് ലക്ഷത്തിൽ പരം ആളുകളാണ് ഇതിനോടകം കണ്ടത്. ട്വിറ്ററിൽ വൈറലായ ഈ ദൃശ്യങ്ങൾ ഇക്വഡോർ എന്ന ദക്ഷിണ അമേരിക്കൻ രാജ്യത്ത് നിന്നുള്ളതാണെന്നാണ് പല മാദ്ധ്യമ റിപ്പോർട്ടുകളും സൂചിപ്പിക്കുന്നത്.
Comments