ഡല്ഹി : കേന്ദ്ര പ്രതിരോധമന്ത്രി രാജ്നാഥ് സിംഗ് വിയറ്റ്നാം സന്ദര്ശനത്തിനൊരുങ്ങുന്നു.മൂന്ന് ദിവസം നീണ്ട് നില്ക്കുന്ന സന്ദര്ശനത്തിനായി അദ്ദേഹം ബുധനാഴ്ച്ച യാത്ര തിരിക്കും. നയതന്ത്ര പങ്കാളിത്തം ശക്തിപ്പെടുത്തുക എന്നതാണ് സന്ദര്ശനത്തില് ലക്ഷ്യമിടുന്നത്. സന്ദര്ശന വേളയില് 12 ഹൈ സ്പീഡ് ഗാര്ഡ് ബോട്ടുകള് രാജ്യം വിയറ്റ്നാമിന് കൈമാറുമെന്ന് പ്രതിരോധ മന്ത്രാലയം അറിയിച്ചു. പ്രതിരോധ മന്ത്രാലയത്തിന് കീഴിലായാണ് ബോട്ടുകള് നിര്മ്മിച്ചത്.’
‘വിയറ്റ്നാമുമായുള്ള പ്രതിരോധ വ്യവസായ സഹകരണം വളരുന്ന പശ്ചാത്തലത്തില് രാജ്നാഥ് സിംഗിന്റെ സന്ദര്ശനം ഏറെ പ്രാധാന്യം അര്ഹിക്കുന്നതാണ് . പ്രധാനമന്ത്രി നരേന്ദ്ര മോദിയുടെ ‘ആത്മനിര്ഭര് ഭാരത്’, ‘മേക്ക് ഇന് ഇന്ത്യ, ‘മേക്ക് ഫോര് ദ വേള്ഡ്’ എന്നിവയുടെ ഭാഗമായാണ് ബോട്ടുകള് നിര്മ്മിച്ചതെന്ന് മന്ത്രാലയം വ്യക്തമാക്കി. ഹൈ സ്പീഡ് ഗാര്ഡ് ബോട്ടുകള് വിയറ്റ്നാമിന് കൈമാറുന്ന ചടങ്ങില് പ്രതിരോധ മന്ത്രി അദ്ധ്യക്ഷത വഹിക്കും.
സന്ദര്ശന വേളയില്, വിയറ്റ്നാം പ്രസിഡന്റ് ഗുയെന് ഷുവാന് ഫുക്, പ്രധാനമന്ത്രി ഫാം മിന് ചിന്, വിയറ്റ്നാമീസ് കൗണ്ടര് ജനറല് ഫാന് വാന് ജിയാങ്ങ് എന്നിവരുമായി അദ്ദേഹം കൂടിക്കാഴ്ച നടത്തും.
ഇന്ത്യയില് നിന്നുള്ള അഞ്ച് മില്യണ് ഡോളര് ഗ്രാന്റ് ഉപയോഗിച്ച് ആര്മി സോഫ്റ്റ്വെയര് പാര്ക്ക് സ്ഥാപിക്കുന്ന ടെലികമ്മ്യൂണിക്കേഷന്, യൂണിവേഴ്സിറ്റി ഉള്പ്പെടെയുള്ള വിയറ്റ്നാമിലെ എന്ഹാ ട്രാങ്ങിലെ പരിശീലന സ്ഥാപനങ്ങളും പ്രതിരോധമന്ത്രി സന്ദര്ശിക്കും. പ്രതിരോധ മന്ത്രിയുടെ സന്ദര്ശനം ഉഭയകക്ഷി പ്രതിരോധ സഹകരണവും സമഗ്രമായ തന്ത്രപരമായ പങ്കാളിത്തവും കൂടുതല് ദൃഢമാക്കുമെന്ന് മന്ത്രാലയം വ്യക്തമാക്കി.
Comments