ഇന്ത്യയുടെ ദേശീയ ഗാനം ചൊല്ലാൻ മകനെ പഠിപ്പിക്കുന്ന കൊറിയൻ അമ്മയുടെ വീഡിയോ സാമൂഹിക മാദ്ധ്യമങ്ങളിൽ വൈറലാകുന്നു. സ്വാതന്ത്ര്യ ദിനത്തിന് ഇൻസ്റ്റഗ്രാമിൽ പങ്കു വെച്ച വീഡിയോക്ക് വൻ പ്രചാരമാണ് ലഭിച്ചു കൊണ്ടിരിക്കുന്നത്. 5 ലക്ഷത്തിലധികം പേർ ഇതിനോടകം വീഡിയോ കണ്ട് കഴിഞ്ഞു.
കൊറിയൻ സ്വദേശിനിയായ കിം എന്ന അമ്മയാണ് മകൻ ആദിയെ ജന ഗണ മന പാടാൻ പഠിപ്പിക്കുന്നത്. കിമ്മിന്റെ ഭർത്താവ് ഇന്ത്യക്കാരനാണ്. കിം ജന ഗണ മന ആലപിക്കുന്നതും കുട്ടി അത് ഏറ്റ് ചൊല്ലുന്നതുമാണ് വീഡിയോയുടെ ഉള്ളടക്കം. ഇന്ത്യയുടെ ദേശീയ ഗാനം തെറ്റില്ലാതെ കാണാപ്പാഠം പഠിച്ച് ആലപിക്കുന്ന കിമ്മിനെ പ്രശംസിച്ച് നിരവധി പേരാണ് കമൻ്റുകൾ രേഖപ്പെടുത്തിയിരിക്കുന്നത്.
സവാളയും ഉരുളക്കിഴങ്ങും ഉപയോഗിച്ച് ഇന്ത്യൻ വിഭവം തയ്യാറാക്കുന്ന വീഡിയോയും കിം നേരത്തേ ഇൻസ്റ്റഗ്രാമിൽ പങ്ക് വെച്ചിരുന്നു. ഇതിനും വൻ പ്രചാരം ലഭിച്ചിരുന്നു.
Comments