മുംബൈ: നൈജീരിയയിൽ നിന്നും കൊണ്ടു വന്ന ചീറ്റകൾ ഇന്ത്യയിലെ കന്നുകാലികൾക്കിടയിൽ ‘ലംപി‘ വൈറസ് രോഗം പടർത്തുന്നുവെന്ന മഹാരാഷ്ട്ര കോൺഗ്രസ് അദ്ധ്യക്ഷൻ നാന പടോലെയുടെ പരാമർശം സാമൂഹിക മാദ്ധ്യമങ്ങളിൽ ട്രോൾ തരംഗം തീർക്കുന്നു. അതിനിടെ, കോൺഗ്രസ് നേതാവിനെതിരെ പരിഹാസവുമായി ബിജെപി രംഗത്തെത്തി. മഹാരാഷ്ട്രയുടെ രാഹുൽ ഗാന്ധി ആകാനുള്ള എല്ലാ യോഗ്യതകളും തനിക്കുണ്ടെന്ന് പടോലെ തെളിയിച്ചിരിക്കുകയാണെന്ന് ബിജെപി വക്താവ് ഷെഹ്സാദ് പൂനാവാല പരിഹസിച്ചു.
‘ലംപി‘ വൈറസ് രോഗം ദീർഘനാളായി നൈജീരിയയിൽ നിലവിലുണ്ട്. കേന്ദ്ര സർക്കാർ അവിടെ നിന്ന് തന്നെ ചീറ്റകളെ കൊണ്ടു വന്നത്, രോഗം ഇവിടുത്തെ കന്നുകാലികൾക്ക് കൂടി നൽകി കർഷകരെ ദ്രോഹിക്കാനാണ്. ഇതായിരുന്നു പടോലെയുടെ പരാമർശം.
പടോലെയുടെ പരാമർശത്തിലെ അബദ്ധങ്ങൾ ചൂണ്ടിക്കാട്ടി കഴിഞ്ഞ ദിവസം സാമൂഹിക മാദ്ധ്യമങ്ങളിൽ ട്രോളുകൾ നിറഞ്ഞിരുന്നു. നൈജീരിയയിൽ നിന്നല്ല, നമീബിയയിൽ നിന്നാണ് പ്രധാനമന്ത്രി ചീറ്റകളെ കൊണ്ടു വന്നത്. നൈജീരിയയും നമീബിയയും തമ്മിലുള്ള വ്യത്യാസം പോലും അറിയാത്തയാളാണ് ഒരു സംസ്ഥാനത്തെ കോൺഗ്രസ് പാർട്ടിയെ നയിക്കുന്നത്. ദേശീയോദ്യാനത്തിൽ പാർപ്പിച്ചിരിക്കുന്ന ചീറ്റകൾ എങ്ങനെയാണ് കന്നുകാലികൾക്ക് രോഗം പടർത്തുന്നത്? എല്ലാവിധ ആരോഗ്യ പരിശോധനകൾക്കും ശേഷം കൊണ്ടു വന്ന ചീറ്റകൾ എങ്ങനെയാണ് രോഗവാഹകരാകുന്നത്? ഈ 2022ലും ഇത്തരം അസംബന്ധങ്ങൾ വിളമ്പിയാൽ തൊണ്ട തൊടാതെ വിഴുങ്ങുന്നവരാണ് ജനങ്ങൾ എന്ന തെറ്റിദ്ധാരണയാണ് കോൺഗ്രസിന്റെ അപചയത്തിന് കാരണമെന്നും സാമൂഹിക മാദ്ധ്യമങ്ങളിൽ അഭിപ്രായങ്ങൾ ഉയരുന്നു.
Nana Patole who is Rahul Gandhi of Maharashtra says Lumpy Virus originated in Nigeria & it came because Modi ji brought Cheetahs! Cheetahs came from Namibia
Does he know Nigeria & Namibia are different nations? Congress has always spread such lies & rumours 1/n
— Shehzad Jai Hind (@Shehzad_Ind) October 3, 2022
‘ലംപി‘ വൈറസ് നൈജീരിയയിലാണ് ഉത്ഭവിച്ചതെന്നും, നരേന്ദ്ര മോദി ചീറ്റകളെ ഇന്ത്യയിലേക്ക് കൊണ്ടു വന്നത് കൊണ്ടാണ് ഇന്ത്യയിൽ കന്നുകാലികൾക്ക് രോഗം പകരുന്നതെന്നുമാണ് മഹാരാഷ്ട്രയുടെ രാഹുൽ ഗാന്ധിയായ നാന പടോലെ പറയുന്നത്. ചീറ്റകൾ വന്നത് നമീബിയയിൽ നിന്നാണ്. നമീബിയയും നൈജീരിയയും രണ്ട് വ്യത്യസ്ത രാജ്യങ്ങളാണെന്ന് അദ്ദേഹത്തിന് അറിയില്ലേ? നിരന്തരം ഇത്തരം നുണകളും അബദ്ധങ്ങളും പറഞ്ഞ് നടക്കലാണ് കോൺഗ്രസിന്റെ പതിവ്.‘ ബിജെപി വക്താവ് ഷെഹ്സാദ് പൂനാവാല ട്വീറ്റ് ചെയ്തു.
‘കോൺഗ്രസുകാർ ആട്ട അളക്കുന്നത് കിലോയ്ക്ക് പകരം ലിറ്ററിലാണ്. ഇന്ത്യയിൽ വിവരക്കേടിന്റെ പര്യായമായി കോൺഗ്രസ് മാറിയിരിക്കുകയാണ്. ഷെഹ്സാദ് പൂനാവാല പറഞ്ഞു. നാന പടോലെയുടെ വിവരദോഷം ജനങ്ങൾക്കിടയിൽ അനാവശ്യ ആശയക്കുഴപ്പത്തിന് ഇടയാക്കുമെന്നും, വിഷയത്തിൽ കോൺഗ്രസ് നേതൃത്വം ഇടപെടണമെന്നും കേന്ദ്ര മന്ത്രി ജ്യോതിരാദിത്യ സിന്ധ്യ ആവശ്യപ്പെട്ടു.
