ജമ്മു: അനധികൃതമായി ആയുധങ്ങളും വെടിക്കോപ്പുകളും സൂക്ഷിച്ചതിന് ഒരാളെ അറസ്റ്റ് ചെയ്തു. കുപ്വാര സ്വദേശിയായ മുഹമ്മദ് ഷാഫി ഷെയ്ഖാണ് പിടിയിലായത്. പോലീസും സൈന്യവും സംയുക്തമായി നടത്തിയ തിരച്ചിലാണ് ഷാഫി പിടിയിലായത്.
പിസ്റ്റൾ, രണ്ട് പിസ്റ്റൾ മാഗസിൻ, 11 പിസ്റ്റൾ റൗണ്ടുകൾ, 2 സജീവ ഗ്രനേഡുകൾ എന്നിവയാണ് ഇയാളുടെ പക്കൽ നിന്നും കണ്ടെടുത്തത്. വീട്ടിലെ തയ്യൽ മെഷീനിൽ ഒളിപ്പിച്ച നിലയിലാണ് ഇവ കണ്ടെത്തിയത്.
പോലീസ് കേസെടുത്ത് അന്വേഷണം ആരംഭിച്ചു. കേസിൽ കൂടുതൽ പേർ ഉൾപ്പെട്ടിട്ടുണ്ടോ എന്നത് സംബന്ധിച്ച് അന്വേഷണം നടത്തുമെന്നും പോലീസ് അറിയിച്ചു. കഴിഞ്ഞ വർഷം ആയുധങ്ങൾ കൈവശം വെച്ചതിന് ഇയാളെ പോലീസ് അറസ്റ്റ് ചെയ്തിരുന്നു. ഈ കേസിൽ വിചാരണ നേരിടുന്നതിനിടയിലാണ് വീണ്ടും അറസ്റ്റിലായത്.
