ദിസ്പൂർ: അതിർത്തിയിൽ അനധികൃതമായെത്തിയ ബംഗ്ലാദേശി പൗരനെ പിടികൂടി.അസമിലെ സൗത്ത് സൽമാര മങ്കാച്ചാർ ജില്ലയിൽ നിന്നും റോബിൻ മിയ എന്നയാളെയാണ് സുരക്ഷാ സേന പിടികൂടിയത്. അസം പോലീസും ബിഎസ്എഫിന്റെയും സംയുക്ത ഓപ്പറേഷനിലാണ് ഇയാൾ പിടിയിലായത്.
അനധികൃതമായി കടത്തിയ ലഹരി ഉത്പന്നങ്ങൾ പ്രദേശത്ത് ഒളിപ്പിച്ചുവെച്ചതായി പോലീസിന് രഹസ്യവിവരം ലഭിച്ചിരുന്നു. തുടർന്ന് നടത്തിയ പരിശോധനയിലാണ് റോബിൻ മിയ പിടിയിലായത്. എന്നാൽ രഹസ്യവിവര പ്രകാരമുള്ള ലഹരി മരുന്നിന്റെ സാന്നിധ്യം തിരച്ചിൽ സംഘത്തിന് കണ്ടെത്താനായില്ലെന്നും സേന അറിയിച്ചു.
അറസ്റ്റിലായ ബംഗ്ലാദേശ് പൗരനെ ചോദ്യം ചെയ്ത് വരികയാണെന്നും കർശന നിയമ നടപടികൾ സ്വീകരിക്കുമെന്നും പോലീസ് അറിയിച്ചു. ഇയാൾ ദിവസങ്ങൾക്ക് മുൻപ് ഇന്ത്യയിലേക്ക് കടന്നതായാണ് ചോദ്യം ചെയ്തതിൽ നിന്ന് വ്യക്തമായതെന്നും പോലീസ് അറിയിച്ചു. ഇയാളുടെ ലക്ഷ്യമെന്തെന്ന് സംബന്ധിച്ച് അന്വേഷണം പുരോഗമിക്കുന്നതായും പോലീസ് സൂചിപ്പിച്ചു.
