ലക്‌നൗ : ലവ് ജിഹാദ് തീവ്രവാദത്തിന്റെ പുതിയ രൂപമാണെന്ന് കേന്ദ്ര മന്ത്രി ഗിരിരാജ് സിംഗ്. സനാതന ധർമ്മത്തെ തകർക്കുക എന്നതാണ് ഇവരുടെ ലക്ഷ്യം. ഇത്തരം ദുഷ്ട ശക്തികൾക്കെതിരെ നാം ഒന്നിച്ച് പോരാടണമെന്നും അദ്ദേഹം പറഞ്ഞു. മുൻ എംഎൽഎ കൃഷ്ണാനന്ദ് റായിയുടെ ചരമവാർഷിക ദിനത്തോടനുബന്ധിച്ച് മുഹമ്മദാബാദിൽ നടന്ന പരിപാടിയിൽ സംസാരിക്കുകയായിരുന്നു അദ്ദേഹം.
ലവ് ജിഹാദിന്റെ രൂപത്തിൽ തീവ്രവാദം പുതിയ ഭാവത്തിലെത്തിയിരിക്കുകയാണ്. ഭാരതത്തിന്റെ സനാതന ധർമ്മത്തെ ഇല്ലാതാക്കാനുള്ള വൃത്തികെട്ട ഗൂഢാലോചനയുടെ ഭാഗമാണിത്. ഈ ഗൂഢാലോചനകൾ പരാജയപ്പെടുത്താൻ നാം ഒറ്റക്കെട്ടായി നിൽക്കണമെന്നും അദ്ദേഹം പറഞ്ഞു.
ജനസംഖ്യാ നിയന്ത്രണ നിയമങ്ങൾ പ്രാബല്യത്തിൽ കൊണ്ടുവരണമെന്നും അദ്ദേഹം വ്യക്തമാക്കി. അത്തരം നയങ്ങൾ രാജ്യത്തെ മുന്നോട്ട് നയിക്കും. ചൈനയിൽ ഓരോ മിനിറ്റിലും 10 കുട്ടികൾ ജനിക്കുന്നുണ്ട്. എന്നാൽ ഇന്ത്യയിൽ മിനിറ്റിൽ 31 കുഞ്ഞുങ്ങൾ ജനിക്കുന്നു. വികസനം വേഗത്തിലാക്കാൻ സാധിക്കാത്തതിന്റെ കാരണം ഇതാണെന്നും അദ്ദേഹം കൂട്ടിച്ചേർത്തു.
