മഹാരാഷ്‌ട്രയിൽ കെട്ടിടം തകർന്ന് വീണു; ഒരാൾക്ക് ദാരുണാന്ത്യം

മുംബൈ: മഹാരാഷ്‌ട്രയിലെ ഭ്വിവണ്ടിയിൽ കെട്ടിടം തകർന്ന് വീണ് ഒരാൾ മരിച്ചു. സംഭവത്തിൽ ഒരാൾ മരിക്കുകയും ഒരാൾക്ക് ​ഗുരുതരമായി പരിക്കേൽക്കുകയും ചെയ്തതായി താനെ മുനിസിപ്പാലിറ്റി ഉദ്യോ​ഗസ്ഥർ പറഞ്ഞു.

പരിക്കേറ്റയാളെ ഉടൻ തന്നെ ആശുപത്രിയിൽ പ്രവേശിപ്പിച്ചു. ഇയാളുടെ നില അതീവ ​ഗുരുതരമാണെന്ന് ആശുപത്രി അധികൃതർ വ്യക്തമാക്കി.

കെട്ടിടം തകർന്നു വീഴാനുള്ള കാരണം ഇതുവരെയും വ്യക്തമല്ല. അന്വേഷണം ഊർജ്ജിതമാക്കിയിട്ടുണ്ടെന്ന് മുനിസിപ്പാലിറ്റി വ്യക്തമാക്കി.