വിവാഹത്തിനോടനുബന്ധിച്ച് നടക്കുന്ന ആഘോഷങ്ങളുടെ വീഡിയോകൾ സമൂഹമാദ്ധ്യമങ്ങളിൽ വൈറലാകാറുണ്ട്. പലപ്പോഴും ഇത്തരം ആഘോഷങ്ങൾ അതിരു കവിയാറുമുണ്ട്. ആഘോഷം എന്ന പേരിൽ നടത്തുന്ന പലതും അപകടം വരുത്തിവെയ്ക്കുന്നതിന്റെ വീഡിയോകൾ നമുക്ക് കാണാം. അത്തരത്തിലൊരു കല്യാണ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
വിവാഹ ആഘോഷങ്ങൾക്കിടെ കയ്യിൽ ഇരുന്ന തോക്ക് പൊട്ടിത്തെറിച്ച് വധുവിന്റെ മുഖത്ത് തീ ആളിപ്പടരുന്നതിന്റെ വീഡിയോയാണ് സമൂഹമാദ്ധ്യമങ്ങളിൽ പ്രചരിക്കുന്നത്. മഹാരാഷ്ട്രയിലെ ജൂന്നറിലാണ് സംഭവം. വിവാഹ വേദിയിൽ തോക്കുമേന്തി ഫോട്ടോയ്ക്ക് പോസ് ചെയ്യുമ്പോഴായിരുന്നു അപകടം.
Idk what's wrong with people these days they are treating wedding days more like parties and this is how they ruin their perfect day. 🤷♀️ pic.twitter.com/5o626gUTxY
— Aditi. (@Sassy_Soul_) March 31, 2023
വധു വരന്മാർ തോക്കിന്റെ കാഞ്ചി വലിച്ച് തീപ്പൊരികൾ തെറിപ്പിക്കുന്നതിനിടെ വധുവിന്റെ കയ്യിലെ തോക്ക് പൊട്ടിത്തെറിക്കുകയായിരുന്നു. ഇതോടെ പെൺകുട്ടിയുടെ മുഖത്തേയ്ക്ക് തീ ആളിപ്പടർന്നു. പ്രാണരക്ഷാർത്ഥം കയ്യിലിരുന്ന തോക്കും കഴുത്തിലണിഞ്ഞിരുന്ന വരണമാല്യവും വലിച്ചെറിഞ്ഞ് പെൺകുട്ടി പിന്നിലേയ്ക്ക് ഓടുന്നതും വീഡിയോയിൽ കാണാം. അതിരു കവിഞ്ഞ ആഘോഷങ്ങളെ വിമർശിച്ച് നിരവധി പേരാണ് രംഗത്തു വരുന്നത്.
Comments